ہزاروں غم ہیں اس منزل میں منزل دیکھنے والے — احسان دانش
شاعر
ہزاروں غم ہیں اس منزل میں منزل دیکھنے والے
ہزاروں غم ہیں اس منزل میں منزل دیکھنے والے
کلیجہ تھام لے اپنا مرا دل دیکھنے والے
یہ دل والوں کو تعلیم سجود پائے جاناں ہے
سر ہر موج کو برپائے ساحل دیکھنے والے
ہر اک ذرے میں پوشیدہ ہے اک طغیان مدہوشی
سنبھل کر دیکھنا پیمانۂ دل دیکھنے والے
مٹاتا جا رہا ہوں نقش پا صحرا نوردی میں
کہاں ڈھونڈیں گے مجھ کو میری منزل دیکھنے والے
تیرے دل میں ہزاروں محفلیں جلووں کی پنہاں ہیں
فلک پر انجم تاباں کی محفل دیکھنے والے
فشار ضبط سے لیلیٰ کہیں مجنوں نہ ہو جائے
نہ دیکھ اب سوئے محمل سوئے محمل دیکھنے والے
کسی کا عکس ہوں احسانؔ مراعات حقیقت میں
مجھے سمجھیں گے کیا تصویر باطل دیکھنے والے
Hazaron gham hain is manzil mein manzil dekhne wale
Hazaron gham hain is manzil mein manzil dekhne wale
Kaleja thaam le apna mera dil dekhne wale
Ye dil walon ko taleem-e-sujood-e-pa-e-jaanan hai
Sar har mauj ko bar-pa-e-sahil dekhne wale
Har ek zarre mein posheeda hai ek tughyaan-e-madhoshi
Sambhal kar dekhna paimana-e-dil dekhne wale
Mitata ja raha hoon naqsh-e-pa sahra-navardi mein
Kahan dhoondhen ge mujh ko meri manzil dekhne wale
Tere dil mein hazaron mahfilen jalwon ki pinhan hain
Falak par anjum-e-tabaan ki mahfil dekhne wale
Fishaar-e-zabt se Laila kahin Majnoon na ho jaye
Na dekh ab su-e-mahmal su-e-mahmal dekhne wale
Kisi ka aks hoon Ehsan, mura'at-e-haqeeqat mein
Mujhe samjhen ge kya tasweer-e-baatil dekhne wale
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں