ہم سے الفت جتائی جاتی ہے — احسان دانش
شاعر
ہم سے الفت جتائی جاتی ہے
ہم سے الفت جتائی جاتی ہے
بے قراری بڑھائی جاتی ہے
دیکھ کر ان کے لب پہ خندۂ نور
نیند سی غم کو آئی جاتی ہے
غم الفت کے کارخانے میں
زندگی جگمگائی جاتی ہے
ان کی چشم کرم پہ ناز نہ کر
یوں بھی ہستی مٹائی جاتی ہے
بزم میں دیکھ رنگ آمد دوست
روشنی تھرتھرائی جاتی ہے
دیکھ اے دل وہ اٹھ رہی ہے نقاب
اب نظر آزمائی جاتی ہے
ان کے جاتے ہی کیا ہوا دل کو
شمع سی جھلملائی جاتی ہے
تیری ہر ایک بات میں احسانؔ
اک نہ اک بات پائی جاتی ہے
Hum se ulfat jatayi jaati hai
Hum se ulfat jatayi jaati hai
Be-qarari barhayi jaati hai
Dekh kar un ke lab pe khanda e noor
Neend si gham ko aayi jaati hai
Gham e ulfat ke karkhane mein
Zindagi jagmagayi jaati hai
Un ki chashm e karam pe naaz na kar
Yun bhi hasti mitayi jaati hai
Bazm mein dekh rang e aamad e dost
Roshni thartharayii jaati hai
Dekh aye dil woh uth rahi hai naqab
Ab nazar aazmayi jaati hai
Un ke jaate hi kya hua dil ko
Shama si jhilmilayi jaati hai
Teri har ek baat mein Ehsan
Ek na ek baat paayi jaati hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں