عشق کب اپنے مقاصد کا نگہباں نہ ہوا — احسان دانش
شاعر
عشق کب اپنے مقاصد کا نگہباں نہ ہوا
عشق کب اپنے مقاصد کا نگہباں نہ ہوا
کون سا غم ہے جو آخر غم جاناں نہ ہوا
لاکھ چاہا مگر افسوس کہ آنسو نہ تھمے
ضبط غم مجھ سے بقدر غم پنہاں نہ ہوا
تیری عشرت ہے کہ گردوں کے دبائے نہ دبی
میرا غم ہے کہ ہنسی میں بھی نمایاں نہ ہوا
غم دنیا غم عقبیٰ غم ہستی غم موت
کوئی غم بھی تو حریف غم جاناں نہ ہوا
ذرے ذرے سے یہ اعلان پریشانی ہے
مطمئن خاک وہ ہوگا جو پریشاں نہ ہوا
جس کے دامن سے ہے وابستہ مرا ذوق حیات
وہ بھی کافر مرے معیار کا انساں نہ ہوا
میں رہا گرچہ ہر احساس پہ مصروف سجود
کوئی سجدہ بھی تری شان کے شایاں نہ ہوا
برف زار زر و دولت کا ہر افسردہ ضمیر
زمزموں سے مرے کب شعلہ بداماں نہ ہوا
برق ناکام مہ و مہر کواکب مایوس
نہ ہوا میرے نشیمن میں چراغاں نہ ہوا
میرے تخلیق ادب میں ہے قصیدہ معدوم
مجھ سے احسانؔ کسی وقت یہ عصیاں نہ ہوا
Ishq kab apne maqasid ka nigehbaan na hua
Ishq kab apne maqasid ka nigehbaan na hua
Kaun sa gham hai jo aakhir gham-e-jaanaan na hua
Lakh chaha magar afsos ke aansu na thame
Zabt-e-gham mujh se ba-qadr-e-gham-e-pinhaan na hua
Teri ishrat hai ke gardoon ke dabaye na dabii
Mera gham hai ke hansi mein bhi numayan na hua
Gham-e-duniya gham-e-uqba gham-e-hasti gham-e-maut
Koi gham bhi to hareel-e-gham-e-jaanaan na hua
Zarre zarre se yeh ailaan-e-pareshani hai
Mutma'in khaak woh hoga jo pareshan na hua
Jis ke daaman se hai wabasta mera zauq-e-hayaat
Woh bhi kafir mere me'yaar ka insaan na hua
Main raha garche har ehsaas pe masroof-e-sujood
Koi sajda bhi teri shaan ke shayan na hua
Barf-zaar-e-zar-o-daulat ka har afsurda zameer
Zamzamon se mere kab shola bad-aamaan na hua
Barq-e-naakaam mah-o-meher-o-kawakib mayus
Na hua mere nasheeman mein chiraghan na hua
Mere takhleeq-e-adab mein hai qaseeda ma'doom
Mujh se Ehsanؔ kisi waqt ye isyan na hua
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں