عشق کی دنیا میں اک ہنگامہ برپا کر دیا — احسان دانش
شاعر
عشق کی دنیا میں اک ہنگامہ برپا کر دیا
عشق کی دنیا میں اک ہنگامہ برپا کر دیا
اے خیال دوست یہ کیا ہو گیا کیا کر دیا
ذرے ذرے نے مرا افسانہ سن کر داد دی
میں نے وحشت میں جہاں کو تیرا شیدا کر دیا
طور پر راہ وفا میں بو دیئے کانٹے کلیم
عشق کی وسعت کو مسدود تقاضا کر دیا
بستر مشرق سے سورج نے اٹھایا اپنا سر
کس نے یہ محفل میں ذکر حسن یکتا کر دیا
چشم نرگس جائے شبنم خون روئے گی ندیم
میں نے جس دن گلستاں کا راز افشا کر دیا
قیس یہ معراج الفت ہے کہ اعجاز جنوں
نجد کے ہر ذرے کو تصویر لیلیٰ کر دیا
مدعائے دل کہوں احسانؔ کس امید پر
وہ جو چاہیں گے کریں گے اور جو چاہا کر دیا
Ishq ki duniya mein ek hangama barpa kar diya
Ishq ki duniya mein ek hangama barpa kar diya
Aye khayal e dost ye kya ho gaya kya kar diya
Zarre zarre ne mera afsana sun kar daad di
Main ne wahshat mein jahan ko tera shaida kar diya
Toor par rah e wafa mein bo diye kante Kaleem
Ishq ki wus'at ko masdood taqaza kar diya
Bistar e mashriq se suraj ne uthaya apna sar
Kis ne ye mehfil mein zikr e husn e yakta kar diya
Chashm e nargis jaa-e-shabnam khoon royegi Nadeem
Main ne jis din gulistan ka raaz afsha kar diya
Qais ye me'raj ulfat hai ke ejaz e junoon
Najd ke har zarre ko tasveer e Laila kar diya
Mudda'a-e-dil kahoon Ehsan kis umeed par
Woh jo chahenge karenge aur jo chaha kar diya
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں