عشق کو تقلید سے آزاد کر — احسان دانش
شاعر
عشق کو تقلید سے آزاد کر
عشق کو تقلید سے آزاد کر
دل سے گریہ آنکھ سے فریاد کر
باز آ اے بندۂ حسن مجاز
یوں نہ اپنی زندگی برباد کر
اے خیالوں کے مکیں نظروں سے دور
میری ویراں خلوتیں آباد کر
نزع میں ہچکی نہیں آئی مجھے
بھولنے والے خدارا یاد کر
حسن کو دنیا کی آنکھوں سے نہ دیکھ
اپنی اک طرز نظر ایجاد کر
عشرت دنیا ہے اک خواب بہار
کعبۂ دل درد سے آباد کر
اب کہاں احسانؔ دنیا میں وفا
توبہ کر ناداں خدا کو یاد کر
Ishq ko taqleed se aazad kar
Ishq ko taqleed se aazad kar
Dil se girya aankh se fariyaad kar
Baaz aa ae bandah-e-husn-e-majaaz
Yun na apni zindagi barbaad kar
Ae khayalon ke makeen nazron se door
Meri veeran khalvatein aabaad kar
Naza mein hichki nahin aayi mujhe
Bhoolne wale Khudara yaad kar
Husn ko duniya ki aankhon se na dekh
Apni ek tarz-e-nazar ijaad kar
Ishrat-e-duniya hai ek khwab-e-bahar
Kaaba-e-dil dard se aabaad kar
Ab kahan Ehsaan duniya mein wafa
Tauba kar nadan Khuda ko yaad kar
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں