اظہار صداقت میں اثر کیوں نہیں ہوتا — احسان دانش
شاعر
اظہار صداقت میں اثر کیوں نہیں ہوتا
اظہار صداقت میں اثر کیوں نہیں ہوتا
اب میری طرف ان کا گزر کیوں نہیں ہوتا
خوشبو کا یہ بکھراؤ بھی توہین چمن ہے
احساس تجھے باد سحر کیوں نہیں ہوتا
کیوں فکر سے محروم ہیں اس دور کی نسلیں
پہلا سا زبانوں میں اثر کیوں نہیں ہوتا
جو بات ادھر ہے وہ ادھر کیوں نہیں جاتی
جو کرب ادھر ہے وہ ادھر کیوں نہیں ہوتا
اس شہر زبوں حال میں تخریب کا احساس
ہونا تو ضروری ہے مگر کیوں نہیں ہوتا
فنکار اسی کشمکش وقت میں گم ہیں
بازار خریدار ہنر کیوں نہیں ہوتا
اللہ کو کرتے ہیں مصیبت میں سبھی یاد
یہ ورد مگر شام و سحر کیوں نہیں ہوتا
خودبیں ہیں سبھی اور یہ بتانے سے ہیں معذور
آئینے سے نقصان نظر کیوں نہیں ہوتا
پیشانیٔ کہسار پہ سورج کا ہے میلاد
وادی میں مگر شور سحر کیوں نہیں ہوتا
ہو جس کے پیمبر کا گزر عرش بریں پر
امت کا ستاروں میں سفر کیوں نہیں ہوتا
حیراں ہوں کہ اقبالؔ کی تعلیم کا دانشؔ
اس شہر کے لوگوں پہ اثر کیوں نہیں ہوتا
Izhaar-e-sadaqat mein asar kyon nahin hota
Izhaar-e-sadaqat mein asar kyon nahin hota
Ab meri taraf unka guzar kyon nahin hota
Khushboo ka ye bikhraao bhi tauheen-e-chaman hai
Ehsaas tujhe baad-e-sehar kyon nahin hota
Kyon fikr se mahroom hain is daur ki naslein
Pahla sa zubaanon mein asar kyon nahin hota
Jo baat idhar hai woh udhar kyon nahin jaati
Jo karb idhar hai woh udhar kyon nahin hota
Is shahr-e-zaboon haal mein takhreeb ka ehsaas
Hona to zaroori hai magar kyon nahin hota
Fankar isi kashmakash-e-waqt mein gum hain
Bazar-e-khareedaar-e-hunar kyon nahin hota
Allah ko karte hain museebat mein sabhi yaad
Yeh wird magar shaam-o-sehar kyon nahin hota
Khudbeen hain sabhi aur ye batane se hain maazoor
Aaine se nuqsaan-e-nazar kyon nahin hota
Peshani-e-kohsaar pe suraj ka hai milaad
Waadi mein magar shor-e-sehar kyon nahin hota
Ho jis ke payambar ka guzar arsh-e-bareen par
Ummat ka sitaron mein safar kyon nahin hota
Hairan hoon ke Iqbalؔ ki taleem ka Danishؔ
Is shahr ke logon pe asar kyon nahin hota
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں