جب بھی خلوت میں وہ یاد آئے گا — احسان دانش
شاعر
جب بھی خلوت میں وہ یاد آئے گا
جب بھی خلوت میں وہ یاد آئے گا
وقت کا سیل ٹھہر جائے گا
چاند تم دیکھ رہے ہو جس کو
یہ بھی آنسو سا ڈھلک جائے گا
ایک دو موڑ ہی مڑ کر انساں
بام گردوں کی خبر لائے گا
میں نے دیکھے ہیں چمن بے پردہ
کوئی گل کیا مرے منہ آئے گا
حسن سے دور ہی رہنا بہتر
جو ملے گا وہی پچھتائے گا
اور کچھ دیر ستارو ٹھہرو
اس کا وعدہ ہے ضرور آئے گا
ان کی زلفوں کی مہک لے دانشؔ
اس دھندلکے کو کہاں پائے گا
Jab bhi khalwat mein wo yaad aayega
Jab bhi khalwat mein wo yaad aayega
Waqt ka sail thahar jayega
Chand tum dekh rahe ho jis ko
Ye bhi aansu sa dhalak jayega
Ek do mod hi mud kar insaan
Baam-e-girdoon ki khabar layega
Main ne dekhe hain chaman be-parda
Koi gul kya mere munh aayega
Husn se door hi rahna behtar
Jo milega wohi pachtayega
Aur kuchh der sitaron thahro
Us ka waada hai zaroor aayega
Un ki zulfon ki mahak le Danish,
Is dhundhlake ko kahan payega
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں