جب رخ حسن سے نقاب اٹھا — احسان دانش
شاعر
جب رخ حسن سے نقاب اٹھا
جب رخ حسن سے نقاب اٹھا
بن کے ہر ذرہ آفتاب اٹھا
ڈوبی جاتی ہے ضبط کی کشتی
دل میں طوفان اضطراب اٹھا
مرنے والے فنا بھی پردہ ہے
اٹھ سکے گر تو یہ حجاب اٹھا
شاہد مئے کی خلوتوں میں پہنچ
پردۂ نشۂ شراب اٹھا
ہم تو آنکھوں کا نور کھو بیٹھے
ان کے چہرے سے کیا نقاب اٹھا
عالم حسن سادگی توبہ
عشق کھا کھا کے پیچ و تاب اٹھا
ہوش نقص خودی ہے اے احسانؔ
لا اٹھا شیشۂ شراب اٹھا
Jab rukh e husn se naqab utha
Jab rukh e husn se naqab utha
Ban ke har zarra aaftab utha
Doobi jati hai zabt ki kashti
Dil mein toofan e iztirab utha
Marne wale fana bhi parda hai
Uth sake gar to ye hijab utha
Shahid e may ki khalwaton mein pahunch
Parda nashe sharab utha
Hum to aankhon ka noor kho baithe
Un ke chehre se kya naqab utha
Alam e husn e saadgi tauba
Ishq kha kha ke pech o taab utha
Hosh e naqs e khudi hai aye Ehsan
La utha sheesha sharab utha
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں