جلا ہے ہائے کس جان چمن کی شمع محفل سے — احسان دانش
شاعر
جلا ہے ہائے کس جان چمن کی شمع محفل سے
جلا ہے ہائے کس جان چمن کی شمع محفل سے
مہک پھولوں کی آتی ہے شرار آتش دل سے
یہ دامان حوادث سے قیامت تک نہ گل ہوگا
چراغ دل مرا روشن ہے ان کی شمع محفل سے
جناب خضر ہم کو خاک رستے پر لگائیں گے
کہ منزل بے خودوں کی ہے معرا قید منزل سے
ٹھہر بھی اے خیال حشر اور اک جام پینے دے
سرکتا ہے ابھی ظلمت کا پردہ خانۂ دل سے
سحر نے لے کے انگڑائی طلسم ناز شب توڑا
فلک پر حسن کی شمعیں اٹھیں تاروں کی محفل سے
بڑھا ہے کون یہ گرداب کی خوراک ہونے کو
کہ اٹھا شور ماتم یک بیک انبوہ ساحل سے
مری بالیں سے اٹھ کر رونے والو یہ بھی سوچا ہے
چلا ہوں کس کی محفل میں اٹھا ہوں کس کی محفل سے
ہے اس کمبخت کو ضد سوز باطن سے پگھل جاؤں
نگاہوں نے تمہاری کہہ دیا ہے کیا مرے دل سے
نہ دامن گیر دل ہو نا خدا پھر کوئی نظارہ
خدا کے واسطے کشتی بڑھا آغوش ساحل سے
سپرد بیخودی کر دے فرائض عقل خود بیں کے
ہٹا دے اس سیہ باطن کا پہرا خانۂ دل سے
ہر اک ذرہ ہے دل اے جانے والے دیکھ کر چلنا
ہزاروں ہستیاں لپٹی پڑی ہیں خاک منزل سے
مری بے باک نظریں ان کی جانب اٹھ ہی جاتی ہیں
ابھی احسانؔ میں واقف نہیں آداب محفل سے
Jala hai haye kis jaan-e-chaman ki shama-e-mahfil se
Jala hai haye kis jaan-e-chaman ki shama-e-mahfil se
Mahak phoolon ki aati hai sharar-e-aatish-e-dil se
Ye daman-e-hawadis se qayamat tak na gul hoga
Charagh-e-dil mera roshan hai un ki shama-e-mahfil se
Janab-e-Khizr hum ko khak-e-raste par lagayenge
Ki manzil be-khudon ki hai muarra qaid-e-manzil se
Thahar bhi ae khayal-e-hashr aur ik jam peene de
Sarkta hai abhi zulmat ka parda khana-e-dil se
Sahar ne le ke angdai tilism-e-naz-e-shab toda
Falak par husn ki shamaein uthin taron ki mahfil se
Badha hai kaun ye girdab ki khorak hone ko
Ki utha shor-e-matam yak-ba-yak amboh-e-sahil se
Meri baalin se uth kar rone walo ye bhi socha hai
Chala hoon kis ki mahfil mein utha hoon kis ki mahfil se
Hai is kambakht ko zid soz-e-batin se pighal jaun
Nigahon ne tumhari kah diya hai kya mere dil se
Na daman-gir dil ho na khuda phir koi nazara
Khuda ke waste kashti badha aaghosh-e-sahil se
Supurd-e-bekhudi kar de faraiz-e-aql-e-khud-been ke
Hata de is siyah-batin ka pahra khana-e-dil se
Har ik zarra hai dil ae jaane wale dekh kar chalna
Hazaron hastiyan lipti padi hain khak-e-manzil se
Meri be-baak nazren un ki janib uth hi jati hain
Abhi Ehsan, main waqif nahin aadab-e-mahfil se
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں