جینے کے لیے جو مر رہے ہیں — احسان دانش
شاعر
جینے کے لیے جو مر رہے ہیں
جینے کے لیے جو مر رہے ہیں
آغاز حیات کر رہے ہیں
ہے حسن کا نام مفت بدنام
لوگ اپنی طلب میں مر رہے ہیں
غنچوں کی طرح کھلے تھے کچھ لوگ
کرنوں کی طرح بکھر رہے ہیں
ہے نقش قدم پہ نقش زنجیر
دیوانے جدھر گزر رہے ہیں
سنتا ہوں کہ آپ کے وفادار
انجام وفا سے ڈر رہے ہیں
ساحل کو بھی چھوڑتے نہیں لوگ
کشتی پہ بھی پاؤں دھر رہے ہیں
اب دشت میں نرم رو ہوا سے
کچھ نقش قدم نکھر رہے ہیں
روحوں میں نئی سحر کے باعث
ذہنوں کے نشے اتر رہے ہیں
ہم جیسے تمام نام لیوا
دھبا ترے نام پر رہے ہیں
خوشبو سے لدی بہار میں بھی
ہم درد سے بہرہ ور رہے ہیں
ہر دور کے فن شناس دانشؔ
ناکام حصول زر رہے ہیں
Jeene ke liye jo mar rahe hain
Jeene ke liye jo mar rahe hain
Aaghaz e hayat kar rahe hain
Hai husn ka naam muft badnaam
Log apni talab mein mar rahe hain
Ghonchon ki tarah khule the kuch log
Kirnon ki tarah bikhar rahe hain
Hai naqsh e qadam pe naqsh e zanjeer
Deewane jidhar guzar rahe hain
Sunta hoon ke aap ke wafadar
Anjaam e wafa se dar rahe hain
Sahil ko bhi chhodte nahin log
Kashti pe bhi paon dhar rahe hain
Ab dasht mein naram ro hawa se
Kuch naqsh e qadam nikhar rahe hain
Roohon mein nayi sahar ke ba'is
Zehnon ke nashe utar rahe hain
Hum jaise tamam naam leva
Dhabba tere naam par rahe hain
Khushboo se ladi bahar mein bhi
Hum dard se behra-war rahe hain
Har daur ke fan shanas Danish
Nakam husool e zar rahe hain
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں