کہاں محفل میں مجھ تک بادۂ گلفام آتا ہے — احسان دانش
شاعر
کہاں محفل میں مجھ تک بادۂ گلفام آتا ہے
کہاں محفل میں مجھ تک بادۂ گلفام آتا ہے
جو میرا نام آتا ہے تو خالی جام آتا ہے
نہ آؤ تم تو پھر کیوں ہچکیوں پر ہچکیاں آئیں
انہیں روکو یہ کیوں پیغام پر پیغام آتا ہے
یہ ساون یہ گھٹا یہ بجلیاں یہ ٹوٹتی راتیں
بھلا ایسے میں دل والوں کو کب آرام آتا ہے
ادب اے جذبۂ بیباک یہ آہ و فغاں کیسی
کہ ایسی زندگی سے موت پر الزام آتا ہے
مدد اے مرگ ناکامی نقاہت کا یہ عالم ہے
بڑی مشکل سے ہونٹوں تک کسی کا نام آتا ہے
خدا رکھے تجھے اے سر زمین شہر خاموشاں
یہیں آ کر ہر اک بے چین کو آرام آتا ہے
معاذ اللہ مری آنکھوں کا اظہار تنگ ظرفی
ٹپک پڑتے ہیں آنسو جب تمہارا نام آتا ہے
زمانے میں نہیں دلدادۂ مہر و وفا کوئی
تجھے دھوکا ہے اے دل کون کس کے کام آتا ہے
Kahan mahfil mein mujh tak bada-e-gulfam aata hai
Kahan mahfil mein mujh tak baada-e-gulfam aata hai
Jo mera naam aata hai to khali jam aata hai
Na aao tum to phir kyun hichkiyon par hichkiyan aayen
Inhen roko ye kyun paigham par paigham aata hai
Ye sawan ye ghata ye bijliyan ye tootati raaten
Bhala aise mein dil walon ko kab araam aata hai
Adab ae jazba-e-be-baak ye aah-o-fughan kaisi
Ki aisi zindagi se maut par ilzam aata hai
Madad ae marg-e-nakami naqahat ka ye aalam hai
Badi mushkil se honton tak kisi ka naam aata hai
Khuda rakhe tujhe ae sar-zameen-e-shahr-e-khamoshan
Yahain aa kar har ik be-chain ko araam aata hai
Maaz Allah meri aankhon ka izhar-e-tang-zarfi
Tapak padte hain aansoo jab tumhara naam aata hai
Zamane mein nahin dildada-e-mehr-o-wafa koi
Tujhe dhoka hai ae dil kaun kis ke kaam aata hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں