میں عوام میں ہوں لیکن نہیں خوئے عامیانہ — احسان دانش
شاعر
میں عوام میں ہوں لیکن نہیں خوئے عامیانہ
میں عوام میں ہوں لیکن نہیں خوئے عامیانہ
نہ عمل خوشامدانہ نہ سخن خوشامدانہ
تری اور زندگی ہے مری اور زندگی ہے
میں بلندیوں کا جویا تو اسیر آشیانہ
مجھے راس ہی نہ آئی کبھی ناقصوں کی صحبت
مرے جسم ناتواں میں نہیں روح تاجرانہ
مرے خضر کے قدم ہیں مجھے مشعل منازل
مرے دیدۂ طلب میں ہے نگاہ مجرمانہ
غم و رنج کا چھپانا بھی ہے کار ظرف لیکن
ہے خوشی کو ضبط کرنا رہ و رسم عاقلانہ
تری تمکنت اگر ہے کسی دوسرے کے بل پر
یہ چلن ہے باغیانہ یہ قدم ہے مجرمانہ
مجھے خضر نو کی حاجت نہیں راہ بندگی میں
مرے مسلک وفا میں یہ روش ہے کافرانہ
Main awaam mein hoon lekin nahin khoo-e-aamiyana
Main awaam mein hoon lekin nahin khoo-e-aamiyana
Na amal khushamadana na sukhan khushamadana
Teri aur zindagi hai meri aur zindagi hai
Main bulandiyon ka joya tu aseer-e-ashiyana
Mujhe raas hi na aai kabhi naqison ki sohbat
Mere jism-e-natavaan mein nahin rooh-e-tajirana
Mere Khizr ke qadam hi hain mujhe mash'al-e-manazil
Mere deeda-e-talab mein hai nigah-e-mujrimana
Gham o ranj ka chhupana bhi hai kaar-e-zarf lekin
Hai khushi ko zabt karna rah o rasm-e-aqilana
Teri tamkanat agar hai kisi doosre ke bal par
Ye chalan hai baghiyana ye qadam hai mujrimana
Mujhe Khizr-e-nau ki haajat nahin raah-e-bandagi mein
Mere maslak-e-wafa mein ye rawish hai kafirana
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں