مرے مٹانے کی تدبیر تھی حجاب نہ تھا — احسان دانش
شاعر
مرے مٹانے کی تدبیر تھی حجاب نہ تھا
مرے مٹانے کی تدبیر تھی حجاب نہ تھا
وگرنہ کون سے دن حسن بے نقاب نہ تھا
اگرچہ ناز کش ساغر شراب نہ تھا
خمار خانے میں مجھ سا کوئی خراب نہ تھا
کھلا طلسم تمنا تو کھل گیا یہ بھی
کہ اک فریب نظر تھا ترا شباب نہ تھا
خیال دوست تری جلوہ تابیوں کی قسم
جو تو نہ تھا مری دنیا میں آفتاب نہ تھا
ترے فراق کی راتیں تھیں اس قدر مغموم
کہ داغ خاطر محزوں تھا ماہتاب نہ تھا
برا ہو نالۂ پیہم کا کچھ دنوں پہلے
خموش رات کے دل میں یہ پیچ و تاب نہ تھا
نگاہ ملتے ہی غش کھا کے گر پڑیں نظریں
تھی ایک برق مشکل ترا شباب نہ تھا
ازل کے دن سے ہیں ہم مست جلوۂ ساقی
ہمارے سامنے کس روز آفتاب نہ تھا
کچھ اپنے ساز نفس کی نہ قدر کی تو نے
کہ اس رباب سے بہتر کوئی رباب نہ تھا
دل خراب کا احسانؔ اب خدا حافظ
خراب تھا مگر ایسا کبھی خراب نہ تھا
Mere mitane ki tadbeer thi hijaab na tha
Mere mitane ki tadbeer thi hijaab na tha
Wagarna kaun se din husn be-naqab na tha
Agarchi naaz-kash-e-saghar-e-sharab na tha
Khumar-khane mein mujh sa koi kharab na tha
Khula tilism-e-tamanna to khul gaya ye bhi
Ke ek fareb-e-nazar tha tera shabab na tha
Khayal-e-dost teri jalwa-tabiyon ki qasam
Jo tu na tha meri duniya mein aaftab na tha
Tere firaq ki raatein theen is qadar maghmoom
Ke daagh-e-khatir-e-mahzoon tha mahtab na tha
Bura ho nala-e-paiham ka kuchh dinon pehle
Khamosh raat ke dil mein ye pech o taab na tha
Nigah milte hi ghash kha ke gir padeen nazrein
Thi ek barq mushkil tera shabab na tha
Azal ke din se hain hum mast-e-jalwa-e-saqi
Hamare saamne kis roz aaftab na tha
Kuchh apne saaz-e-nafas ki na qadr ki tune
Ke is rubab se behtar koi rubab na tha
Dil-e-kharab ka Ehsan! ab khuda hafiz
Kharab tha magar aisa kabhi kharab na tha
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں