رہے جو زندگی میں زندگی کا آسرا ہو کر — احسان دانش
شاعر
رہے جو زندگی میں زندگی کا آسرا ہو کر
رہے جو زندگی میں زندگی کا آسرا ہو کر
وہی نکلے سریر آرا قیامت میں خدا ہو کر
حقیقت در حقیقت بت کدے میں ہے نہ کعبہ میں
نگاہ شوق دھوکے دے رہی ہے رہنما ہو کر
مآل کار سے گلشن کی ہر پتی لرزتی ہے
کہ آخر رنگ و بو اڑ جائیں گے اک دن ہوا ہو کر
ابھی کل تک جوانی کے خمستاں تھے نگاہوں میں
یہ دنیا دو ہی دن میں رہ گئی ہے کیا سے کیا ہو کر
مرے سجدوں کی یا رب تشنہ کامی کیوں نہیں جاتی
یہ کیا بے اعتنائی اپنے بندے سے خدا ہو کر
سرشت دل میں کس نے کوٹ کر بھر دی ہے بیتابی
ازل میں کون یا رب مجھ سے بیٹھا تھا خفا ہو کر
یہ پچھلی رات یہ خاموشیاں یہ ڈوبتے تارے
نگاہ شوق بہکی پھر رہی ہے التجا ہو کر
بلا سے کچھ ہو ہم احسانؔ اپنی خو نہ چھوڑیں گے
ہمیشہ بے وفاؤں سے ملیں گے با وفا ہو کر
Rahe jo zindagi mein zindagi ka aasra ho kar
Rahe jo zindagi mein zindagi ka aasra ho kar
Wohi nikle sareer-aara qayamat mein Khuda ho kar
Haqeeqat dar haqeeqat but-kade mein hai na Kaaba mein
Nigah-e-shauq dhoke de rahi hai rahnuma ho kar
Ma.aal-e-kaar se gulshan ki har patti larazti hai
Ke aakhir rang-o-bu ud jayen ge ek din hawa ho kar
Abhi kal tak jawani ke khamistan the nigahon mein
Ye dunya do hi din mein rah gayi hai kya se kya ho kar
Mere sajdon ki ya Rab tashna-kami kyun nahin jaati
Ye kya be-etnayi apne bande se Khuda ho kar
Sarisht-e-dil mein kis ne koot kar bhar di hai betaabi
Azal mein kaun ya Rab mujh se baitha tha khafa ho kar
Ye pichhli raat ye khamoshiyan ye doobte taare
Nigah-e-shauq bahki phir rahi hai iltija ho kar
Bala se kuchh ho ham Ehsan, apni kho na chhodenge
Hamesha be-wafaon se milen ge ba-wafa ho kar
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں