رعنائی کونین سے بے زار ہمیں تھے — احسان دانش
شاعر
رعنائی کونین سے بے زار ہمیں تھے
رعنائی کونین سے بے زار ہمیں تھے
ہم تھے ترے جلووں کے طلب گار ہمیں تھے
ہے فرق طلب گار و پرستار میں اے دوست
دنیا تھی طلب گار پرستار ہمیں تھے
اس بندہ نوازی کے تصدق سر محشر
گویا تری رحمت کے سزاوار ہمیں تھے
دے دے کے نگاہوں کو تصور کا سہارا
راتوں کو ترے واسطے بیدار ہمیں تھے
بازار ازل یوں تو بہت گرم تھا لیکن
لے دے کے محبت کے خریدار ہمیں تھے
کھٹکے ہیں ترے سارے گلستاں کی نظر میں
سب اپنی جگہ پھول تھے اک خار ہمیں تھے
ہاں آپ کو دیکھا تھا محبت سے ہمیں نے
جی سارے زمانے کے گنہ گار ہمیں تھے
ہے آج وہ صورت کہ بنائے نہیں بنتی
کل نقش دو عالم کے قلم کار ہمیں تھے
پچھتاؤگے دیکھو ہمیں بیگانہ سمجھ کر
مانوگے کسی وقت کہ غم خوار ہمیں تھے
ارباب وطن خوش ہیں ہمیں دل سے بھلا کر
جیسے نگہ و دل پہ بس اک بار ہمیں تھے
احسانؔ ہے بے سود گلہ ان کی جفا کا
چاہا تھا انہیں ہم نے خطاوار ہمیں تھے
Ranaayi-e-kaunain se bezaar hamein thhe
Ranaayi-e-kaunain se bezaar hamein thhe
Hum thhe tere jalwon ke talabgar hamein thhe
Hai farq talabgar-o-parastaar mein ae dost
Duniya thi talabgar parastaar hamein thhe
Is bandah-nawazi ke tasadduq sar-e-mahshar
Goya teri rehmat ke sazawar hamein thhe
De de ke nigahon ko tasawwur ka sahara
Raaton ko tere waaste bedaar hamein thhe
Bazar-e-azal yun to bahut garam tha lekin
Le de ke mohabbat ke khareedar hamein thhe
Khatke hain tere saare gulistan ki nazar mein
Sab apni jagah phool thhe ek khaar hamein thhe
Haan aap ko dekha tha mohabbat se hamein ne
Ji saare zamane ke gunahgar hamein thhe
Hai aaj woh soorat ke banaye nahin banti
Kal naqsh-e-do alam ke qalamkar hamein thhe
Pachtaoge dekho hamein begana samajh kar
Manoge kisi waqt ke gham-khwar hamein thhe
Arbab-e-watan khush hain hamein dil se bhula kar
Jaise nigah-o-dil pe bas ek baar hamein thhe
Ehsaan hai be-sood gila un ki jafa ka
Chaha tha unhein hum ne khata-war hamein thhe
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں