رنگ تہذیب و تمدن کے شناسا ہم بھی ہیں — احسان دانش
شاعر
رنگ تہذیب و تمدن کے شناسا ہم بھی ہیں
رنگ تہذیب و تمدن کے شناسا ہم بھی ہیں
صورت آئینہ مرہون تماشا ہم بھی ہیں
حال و مستقبل کا کیا ہم کو سبق دیتے ہیں آپ
اس قدر تو واقف امروز و فردا ہم بھی ہیں
بادل نا خواستہ ہنستے ہیں دنیا کے لئے
ورنہ سچ یہ ہے پشیمان تمنا ہم بھی ہیں
کچھ سفینے ہیں کہ طوفاں سے ہے جن کا ساز باز
دیکھنے والوں میں اک بیرون دریا ہم بھی ہیں
دیکھنا ہے دیکھ لو اٹھتی ہوئی محفل کا رنگ
صبح کے بجھتے چراغوں کا سنبھالا ہم بھی ہیں
کاغذی ملبوس میں ابھری ہے ہر شکل حیات
ریت کی چادر پہ اک نقش کف پا ہم بھی ہیں
جا بہ جا بکھرے نظر آتے ہیں آثار قدیم
پی گئیں جس کو گزر گاہیں وہ دریا ہم بھی ہیں
اس حرم کی زیب و زینت کو خدا رکھے مگر
مجرمان عہد و پیمان کلیسا ہم بھی ہیں
ہم سے گونجا ہے عدم آباد کا دشت سکوت
عالم ارواح کا پہلا دھماکا ہم بھی ہیں
ہم جب اٹھ جائیں گے یہ عقدہ بھی حل ہو جائے گا
رونق محفل چراغوں کے علاوہ ہم بھی ہیں
خاک کیوں ہوتا نہیں جل کر حصار آب و گل
یہ اگر سچ ہے ترے جلووں کا پردہ ہم بھی ہیں
ہم پہ جانے کون سا طوفان تھوپا جائے گا
جانے کس تعزیر کی خاطر گوارا ہم بھی ہیں
یہ سر فہرست اور احسان دانشؔ شادباش
مجرموں میں آپ کے نزدیک گویا ہم بھی ہیں
Rang-e-tahzeeb-o-tamaddun ke shanasā ham bhi hain
Rang-e-tahzeeb-o-tamaddun ke shanasā ham bhi hain
Soorat-e-aaina marhoon-e-tamasha ham bhi hain
Haal o mustaqbil ka kya ham ko sabaq dete hain aap
Is qadar to waaqif-e-imroz-o-farda ham bhi hain
Ba-dil na khwasta hanste hain dunya ke liye
Warna sach ye hai pasheman-e-tamanna ham bhi hain
Kuchh safeene hain ke toofan se hai jin ka saaz baaz
Dekhne walon mein ek bairoon-e-darya ham bhi hain
Dekhna hai dekh lo uthti hui mehfil ka rang
Subah ke bujhte charaghon ka sanbhala ham bhi hain
Kaghazi malboos mein ubhri hai har shakl-e-hayāt
Rait ki chadar pe ek naqsh-e-kaf-e-pa ham bhi hain
Ja ba ja bikhre nazar aate hain aasaar-e-qadeem
Pi ga.iin jis ko guzar-gaahen wo darya ham bhi hain
Is haram ki zeb-o-zeenat ko Khuda rakhe magar
Mujrim-e-ahd-o-paimān-e-kaleesa ham bhi hain
Ham se goonja hai adam-abaad ka dasht-e-sukoot
Aalam-e-arwah ka pehla dhamaka ham bhi hain
Ham jab uth jaayen ge ye uqda bhi hal ho jaayega
Rounaq-e-mehfil charaghon ke alawa ham bhi hain
Khaak kyun hota nahin jal kar hisaar-e-aab-o-gul
Ye agar sach hai tere jalwon ka parda ham bhi hain
Ham pe jaane kaun sa toofan thopa jayega
Jaane kis taazeer ki khatir gawara ham bhi hain
Ye sar-e-fehrist aur Ehsan Danish, shadbash
Mujrimon mein aap ke nazdeek goya ham bhi hain
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں