شب خمار حسن ساقی حیرت میخانہ تھا — احسان دانش
شاعر
شب خمار حسن ساقی حیرت میخانہ تھا
شب خمار حسن ساقی حیرت میخانہ تھا
آپ ہی مے آپ ہی خم آپ ہی پیمانہ تھا
کعبہ و دیر کلیسا میں عبث ڈھونڈا کئے
دل کا ہر گوشہ مقام جلوۂ جانانہ تھا
رنگ لایا ہے برائے دیدۂ انجام جو
شمع ہر ہر ذرۂ خاک پر پروانہ تھا
خامیٔ ذوق نظر تھی ورنہ اے ناکام عشق
ذرے ذرے سے نمایاں جلوۂ جانانہ تھا
پھر وہی صوت طرب افزا بنے فردوس گوش
جس سے اک عالم شہید نغمۂ مستانہ تھا
دید کے قابل تماشا تھا یہ ہنگام سحر
شمع کا ہر سانس محو ماتم پروانہ تھا
فتنۂ مذہب بھی خود بینی کا اک انداز ہے
ورنہ کس کو امتیاز مسجد و بتخانہ تھا
Shab-e-khumar-e-husn-e-saqi hairat-e-maikhana tha
Shab-e-khumar-e-husn-e-saqi hairat-e-maikhana tha
Aap hi mai aap hi khum aap hi paimana tha
Kaba o dair o kaleesa mein abas dhoonda kiye
Dil ka har gosha maqam-e-jalwa-e-janana tha
Rang laya hai bara-e-dida-e-anjam jo
Shama har har zarra-e-khak par parwana tha
Khami-e-zauq-e-nazar thi warna ae nakaam-e-ishq
Zarre zarre se numayan jalwa-e-janana tha
Phir wahi saut-e-tarab-afza bane firdos-e-gosh
Jis se ik aalam shahid-e-naghma-e-mastana tha
Deed ke qabil tamasha tha ye hangam-e-sahar
Shama ka har saans mahv-e-matam-e-parwana tha
Fitna-e-mazhab bhi khud-bini ka ik انداز hai
Warna kis ko imtiyaz-e-masjid o but-khana tha
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں