توبہ کی نازشوں پہ ستم ڈھا کے پی گیا — احسان دانش
شاعر
توبہ کی نازشوں پہ ستم ڈھا کے پی گیا
توبہ کی نازشوں پہ ستم ڈھا کے پی گیا
''پی''! اس نے جب کہا تو میں گھبرا کے پی گیا
دل ہی تو ہے اٹھائے کہاں تک غم و الم
میں روز کے ملال سے اکتا کے پی گیا
تھیں لاکھ گرچہ محشر و مرقد کی الجھنیں
گتھی کو ضبط شوق کی سلجھا کے پی گیا
مے خانۂ بہار میں مدت کا تشنہ لب
ساقی خطا معاف! خطا کھا کے پی گیا
نیت نہیں خراب نہ عادی ہوں اے ندیم!
''آلام روزگار سے تنگ آ کے پی گیا''!
ساقی کے حسن دیدۂ میگوں کے سامنے
میں جلوۂ بہشت کو ٹھکرا کے پی گیا
اٹھا جو ابر دل کی امنگیں چمک اٹھیں
لہرائیں بجلیاں تو میں لہرا کے پی گیا
دل کچھ ثبوت حفظ شریعت نہ دے سکا
ساقی کے لطف خاص پہ اترا کے پی گیا
Tauba ki nazishon pe sitam dha ke pee gaya
Tauba ki nazishon pe sitam dha ke pee gaya
"Pee!" us ne jab kaha to main ghabra ke pee gaya
Dil hi to hai uthaye kahan tak gham-o-alam
Main roz ke malaal se ukta ke pee gaya
Thien lakh garche mahshar-o-marqad ki uljhanen
Gutthi ko zabt-e-shauq ki suljha ke pee gaya
Mai-khana-e-bahar mein muddat ka tishna-lab
Saaqi khata muaf! khata kha ke pee gaya
Niyat nahin kharab na aadi hun ae Nadeem!
"Aalaam-e-rozgar se tang aa ke pee gaya!"
Saaqi ke husn-e-deeda mai-gun ke saamne
Main jalwa-e-bahisht ko thukra ke pee gaya
Utha jo abr dil ki umangein chamak uthin
Lehraien bijliyan to main lehra ke pee gaya
Dil kuch saboot-e-hifz-e-sharee'at na de saka
Saaqi ke lutf-e-khaas pe itra ke pee gaya
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں