عمر رفتہ کی کہانی کیا ہے — احسان دانش
شاعر
عمر رفتہ کی کہانی کیا ہے
عمر رفتہ کی کہانی کیا ہے
ایک تہمت ہے جوانی کیا ہے
میرے اشکوں کی روانی دیکھی
تیرے خنجر کی روانی کیا ہے
تیرے محبوب تبسم کا جواب
میری آشفتہ بیانی کیا ہے
رات روتے ہوئے گزرے گی ضرور
ورنہ یہ دل پہ گرانی کیا ہے
دشمن زیست پہ جاں دیتا ہوں
اور جینے کی نشانی کیا ہے
ہاتھ میں تیغ ہے بل چتون پر
آج یہ آپ نے ٹھانی کیا ہے
عہد پیری میں رلاتی ہے لہو
ہائے کمبخت جوانی کیا ہے
ایک موہوم سا طوفان خودی
کچھ نہیں جوش جوانی کیا ہے
Umar-e-rafta ki kahani kya hai
Umar-e-rafta ki kahani kya hai
Ek tuhmat hai jawani kya hai
Mere ashkon ki rawani dekhi
Tere khanjar ki rawani kya hai
Tere mehboob tabassum ka jawab
Meri aashufta-bayani kya hai
Raat rote hue guzregi zaroor
Warna ye dil pe garani kya hai
Dushman-e-zeest pe jaan deta hoon
Aur jeene ki nishani kya hai
Haath mein tegh hai bal chhaton par
Aaj ye aap ne thani kya hai
Ahd-e-peeri mein rulati hai lahu
Haaye kambakht jawani kya hai
Ek mauhoom sa toofan-e-khudi
Kuchh nahin josh-e-jawani kya hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں