یہ تو نہیں کہ تم سے محبت نہیں مجھے — احسان دانش
شاعر
یہ تو نہیں کہ تم سے محبت نہیں مجھے
یہ تو نہیں کہ تم سے محبت نہیں مجھے
اتنا ضرور ہے کہ شکایت نہیں مجھے
میں ہوں کہ اشتیاق میں سر تا قدم نظر
وہ ہیں کہ اک نظر کی اجازت نہیں مجھے
آزادئ گناہ کی حسرت کے ساتھ ساتھ
آزادئ خیال کی جرأت نہیں مجھے
دوبھر ہے گرچہ جور عزیزاں سے زندگی
لیکن خدا گواہ شکایت نہیں مجھے
جس کا گریز شرط ہو تقریب دید میں
اس ہوش اس نظر کی ضرورت نہیں مجھے
جو کچھ گزر رہی ہے غنیمت ہے ہم نشیں
اب زندگی پہ غور کی فرصت نہیں مجھے
میں کیوں کسی کے عہد وفا کا یقیں کروں
اتنی شدید غم کی ضرورت نہیں مجھے
سجدے مرے خیال جزا سے ہیں ماورا
مقصود بندگی سے تجارت نہیں مجھے
میں اور دے سکوں نہ ترے غم کو زندگی
ایسی تو زندگی سے محبت نہیں مجھے
احسانؔ کون مجھ سے سوا ہے مرا عدو
اپنے سوا کسی سے شکایت نہیں مجھے
Yeh to nahin ke tum se mohabbat nahin mujhe
Yeh to nahin ke tum se mohabbat nahin mujhe
Itna zaroor hai ke shikayat nahin mujhe
Main hun ke ishtiyaq mein sar ta qadam nazar
Woh hain ke ek nazar ki ijazat nahin mujhe
Aazadi-e-gunah ki hasrat ke saath saath
Aazadi-e-khayal ki jur'at nahin mujhe
Dobhar hai garche jaur-e-azeezan se zindagi
Lekin Khuda gawah shikayat nahin mujhe
Jis ka gurez shart ho taqreeb-e-deed mein
Us hosh us nazar ki zaroorat nahin mujhe
Jo kuch guzar rahi hai ghaneemat hai hamnasheen
Ab zindagi pe ghaur ki fursat nahin mujhe
Main kyon kisi ke ahd-e-wafa ka yaqeen karun
Itni shadeed gham ki zaroorat nahin mujhe
Sajde mere khayal-e-jaza se hi hain ma-wara
Maqsood bandagi se tijarat nahin mujhe
Main aur de sakun na tere gham ko zindagi
Aisi to zindagi se mohabbat nahin mujhe
Ehsaan kaun mujh se siwa hai mera adoo
Apne siwa kisi se shikayat nahin mujhe
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں