یوں نہ مل مجھ سے خفا ہو جیسے — احسان دانش
شاعر
یوں نہ مل مجھ سے خفا ہو جیسے
یوں نہ مل مجھ سے خفا ہو جیسے
ساتھ چل موج صبا ہو جیسے
لوگ یوں دیکھ کے ہنس دیتے ہیں
تو مجھے بھول گیا ہو جیسے
عشق کو شرک کی حد تک نہ بڑھا
یوں نہ مل ہم سے خدا ہو جیسے
موت بھی آئی تو اس ناز کے ساتھ
مجھ پہ احسان کیا ہو جیسے
ایسے انجان بنے بیٹھے ہو
تم کو کچھ بھی نہ پتہ ہو جیسے
ہچکیاں رات کو آتی ہی رہیں
تو نے پھر یاد کیا ہو جیسے
زندگی بیت رہی ہے دانشؔ
ایک بے جرم سزا ہو جیسے
Yun na mil mujh se khafa ho jaise
Yun na mil mujh se khafa ho jaise
Saath chal mauj-e-saba ho jaise
Log yun dekh ke hans dete hain
Tu mujhe bhool gaya ho jaise
Ishq ko shirk ki had tak na badha
Yun na mil hum se Khuda ho jaise
Maut bhi aayi to is naaz ke saath
Mujh pe ehsaan kiya ho jaise
Aise anjaan bane baithe ho
Tum ko kuch bhi na pata ho jaise
Hichkiyan raat ko aati hi rahin
Tu ne phir yaad kiya ho jaise
Zindagi beet rahi hai Danish
Ek be-jurm saza ho jaise
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں