یوں اس پہ مری عرض تمنا کا اثر تھا — احسان دانش
شاعر
یوں اس پہ مری عرض تمنا کا اثر تھا
یوں اس پہ مری عرض تمنا کا اثر تھا
جیسے کوئی سورج کی تپش میں گل تر تھا
اٹھتی تھیں دریچوں پہ ہماری بھی نگاہیں
اپنا بھی کبھی شہر نگاراں میں گزر تھا
ہم جس کے تغافل کی شکایت کو گئے تھے
آنکھ اس نے اٹھائی تو جہاں زیر و زبر تھا
شانوں پہ کبھی تھے ترے بھیگے ہوئے رخسار
آنکھوں پہ کبھی میری طرح دامن تر تھا
خوشبو سے معطر ہے ابھی تک وہ گزر گاہ
صدیوں سے یہاں جیسے بہاروں کا نگر تھا
ہے ان کے سراپا کی طرح خوش قد و خوش رنگ
وہ سرو کا پودا جو سر راہ گزر تھا
قطرے کی ترائی میں تھے طوفاں کے نشیمن
ذرے کے احاطے میں بگولوں کا بھنور تھا
اس آدم خاکی پہ ستاروں کی نظر تھی
اس خاک پہ کچھ جلوۂ یزداں کا اثر تھا
میں رویا تو ہنسنے کی صدا آئی کئی یار
وہ جان تمنا پس دیوار نظر تھا
دانشؔ تھا اکہرا مرا پیراہن ہستی
بے پردہ زمانے پہ مرا عیب و ہنر تھا
Yun us pe meri arz-e-tamanna ka asar tha
Yun us pe meri arz-e-tamanna ka asar tha
Jaise koi suraj ki tapish mein gul-e-tar tha
Uthti thin darichon pe hamari bhi nigahen
Apna bhi kabhi shahr-e-nigaran mein guzar tha
Hum jis ke taghaful ki shikayat ko gaye the
Aankh us ne uthai to jahan zer-o-zabar tha
Shanon pe kabhi the tere bheegen hue rukhsar
Aankhon pe kabhi meri tarah daman-e-tar tha
Khushboo se muattar hai abhi tak wo guzar-gah
Sadiyon se yahan jaise baharon ka nagar tha
Hai un ke sarapa ki tarah khush qad o khush rang
Wo sarv ka pauda jo sar-e-rah-e-guzar tha
Qatre ki tarai mein the tufan ke nashiman
Zarre ke ehate mein bagulon ka bhanwar tha
Is Adam-e-khaki pe sitaron ki nazar thi
Is khak pe kuchh jalwa-e-yazdan ka asar tha
Main roya to hansne ki sada aai kai yaar
Wo jaan-e-tamanna pas-e-deewar nazar tha
Danish, tha ikahra mera pairahan-e-hasti
Be-parda zamane pe mera aib o hunar tha
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں