دل کے کعبے کو گرا دیتا ہے ڈرتا بھی نہیں — اقتدار جاوید
شاعر
دل کے کعبے کو گرا دیتا ہے ڈرتا بھی نہیں
دل کے کعبے کو گرا دیتا ہے ڈرتا بھی نہیں
کون ہے حجاج بن یوسف جو مرتا بھی نہیں
یہ ستارہ آسماں کی اس تماشا گاہ میں
ڈوب جاتا ہے تو دوبارہ ابھرتا بھی نہیں
دھوپ کیسی ہے جو اس پانی میں گھلتی ہی نہیں
رنگ کیسا ہے جو شعروں سے اترتا بھی نہیں
شور ہوتا جا رہا ہے لہریں رکتی ہی نہیں
پیڑ اگتے جا رہے ہیں دشت بھرتا بھی نہیں
آنکھ ہے جو جذب کر لیتی ہے ہر منظر کہیں
یہ سمندر ہے کہ جو بھر کر بپھرتا بھی نہیں
یہ زمیں یہ چاند سیارے ہیں سب دریوزہ گر
اصل میں سورج کہیں نیچے اترتا بھی نہیں
اس میں بے رنگی کی آمیزش ضروری ہے بہت
رنگ اک ہو تو زیادہ دن ٹھہرتا بھی نہیں
رفتہ رفتہ ہم بنا لیتے ہیں وہ ایماں کا جز
جو تقاضا ہم سے خود ایمان کرتا بھی نہیں
موت سے کس کو مفر ہوتا ہے لیکن آدمی
بات یہ ہے اصل میں اک بار مرتا بھی نہیں
اقتدار جاوید
Dil ke Kaabe ko gira deta hai darta bhi nahin
Dil ke Kaabe ko gira deta hai darta bhi nahin
Kaun hai Hajjaj bin Yousuf jo marta bhi nahin
Yeh sitara aasman ki us tamasha gaah mein
Doob jaata hai to dobara ubharta bhi nahin
Dhoop kaisi hai jo us paani mein ghulti hi nahin
Rang kaisa hai jo sher-on se utarta bhi nahin
Shor hota ja raha hai lehrein rukti hi nahin
Ped ugte ja rahe hain dasht bharta bhi nahin
Aankh hai jo jazb kar leti hai har manzar kahin
Yeh samundar hai ke jo bhar kar bipharta bhi nahin
Yeh zameen yeh chand sitare hain sab dariyoza gar
Asal mein suraj kahin neeche utarta bhi nahin
Is mein be-rangi ki aamezish zaroori hai bahut
Rang ik ho to zyada din theharta bhi nahin
Rafta rafta hum bana lete hain woh imaan ka juz
Jo taqaza hum se khud imaan karta bhi nahin
Maut se kis ko mafar hota hai lekin aadmi
Baat yeh hai asal mein ik baar marta bhi nahin
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں