اوس سے بھرا گلاس — اقتدار جاوید
شاعر
اوس سے بھرا گلاس
وہ پھل ہے رس بھرا
کہ پھل کی رس بھری اساس ہے
ہے سب کی دسترس میں وہ
یا صرف میرے آس پاس ہے
لبوں کو کھولتی
وہ عام گفتگو ہے
یا لبوں کو سیل کرتا اک معاملۂ خاص ہے
مری طرح وہ شاد کام ہے
یا خاندان والوں کی طرح اداس ہے
وہ آ گیا تو ہو گئی ہے جامنی فضا
کہ
اور ہے کوئی کہ جس کا جامنی لباس ہے
ہے باغ کی روش
یا
مین گیٹ کے قریب لہلہاتی گھاس ہے
وہ اوس ہے کہ اوس سے بھرا پرا گلاس ہے
اقتدار جاوید
Oos Se Bhara Glass
Woh phal hai ras bhara
Ke phal ki ras bhari asas hai
Hai sab ki dastaras mein woh
Ya sirf mere aas paas hai
Labon ko kholti
Woh aam guftagu hai
Ya labon ko seel karta ek mamla-e-khas hai
Meri tarah woh shad kaam hai
Ya khandan walon ki tarah udaas hai
Woh aa gaya to ho gayi hai jamni fiza
Ke
Aur hai koi ke jis ka jamni libas hai
Hai bagh ki rawish
Ya
Main gate ke qareeb lahlahati ghaas hai
Woh oos hai ke oos se bhara para glass hai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں