دعا کے ساتھ گیا اختیار بندے کا — اقتدار جاوید
شاعر
دعا کے ساتھ گیا اختیار بندے کا
دعا کے ساتھ گیا اختیار بندے کا
ابھی تلک نہیں اترا خمار بندے کا
یہ جاودانی حدیں راستے میں پڑتی ہیں
دیار اذن نہیں ہے دیار بندے کا
ردائے ہجر مہیا کرو کہ آب خواب
تری رضا پہ ہے دار و مدار بندے کا
یہ نرم گھاس یہ مٹی یہ آسمان خاک
یہیں کہیں پہ ہے پروردگار بندے کا
ہوائے شام میں خوشبو عجیب ہے جاویدؔ
مزار ہے اسی دریا کے پار بندے کا
اقتدار جاوید
Dua ke saath gaya ikhtiyar bande ka
Dua ke saath gaya ikhtiyar bande ka
Abhi talak nahin utra khumar bande ka
Yeh javedani hadd-ein raaste mein padti hain
Diyar-e-izn nahin hai diyar bande ka
Rida-e-hijr muhayya karo ke aab-e-khwab
Teri raza pe hai daar-o-madar bande ka
Yeh narm ghaas yeh mitti yeh aasman-e-khaak
Yah-een kahin pe hai parvardigar bande ka
Hawa-e-shaam mein khushboo ajeeb hai Javed
Mazaar hai isi darya ke paar bande ka
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں