ایک دنیا اک جہاں تسخیر کرنے واسطے — اقتدار جاوید
شاعر
ایک دنیا اک جہاں تسخیر کرنے واسطے
ایک دنیا اک جہاں تسخیر کرنے واسطے
خواب ہونا چاہیے تعبیر کرنے واسطے
پھول بھی موجود ہیں نقشہ گری کرنی جو ہو
باغ میں مہکار ہے تعمیر کرنے واسطے
عشق چشمہ ہے کہیں سے پھوٹ سکتا ہے معاً
یہ ہوا ہوتی نہیں زنجیر کرنے واسطے
کھل تو جانا ہے بالآخر بھید تیرے حسن کا
یہ معمہ ہے ذرا تاخیر کرنے واسطے
ایک دو نقطے ہمیشہ چھوڑ دینے چاہئیں
کار مشکل تو نہیں تصویر کرنے واسطے
اک فضا مسحور کن آبی پرندوں کے لیے
اک سمندر ہے یہاں تاثیر کرنے واسطے
ایک دو ایسے اشارے ہوں جو کھل سکتے نہ ہوں
آدمی ہوتا نہیں تفسیر کرنے واسطے
شاعری ہے تیرے میرے واسطوں کی گفتگو
یہ نہیں اورنگ عالمگیر کرنے واسطے
اقتدار جاوید
Ek duniya ek jahan taskheer karne waaste
Ek duniya ek jahan taskheer karne waaste
Khwab hona chahiye taabeer karne waaste
Phool bhi maujood hain naqsha-gari karni jo ho
Baagh mein mahkaar hai tameer karne waaste
Ishq chashma hai kahin se phoot sakta hai ma'an
Yeh hawa hoti nahin zanjeer karne waaste
Khul to jaana hai bilakhir bhed tere husn ka
Yeh muamma hai zara taakheer karne waaste
Ek do nuqte hamesha chhod dene chahiye'n
Kaar mushkil to nahin tasveer karne waaste
Ek faza mashoor kun aabi parindon ke liye
Ek samandar hai yahan taaseer karne waaste
Ek do aise ishaare hon jo khul sakte na hon
Aadmi hota nahin tafseer karne waaste
Shayari hai tere mere waaston ki guftugu
Yeh nahin Aurang-e-Alamgir karne waaste
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں