خوں فشاں ہو گیا گل نہاد حسین ابر و باد حسین — اقتدار جاوید
شاعر
خوں فشاں ہو گیا گل نہاد حسین ابر و باد حسین
خوں فشاں ہو گیا گل نہاد حسین ابر و باد حسین
چل پڑی ریگزاروں میں باد حسین ابر و باد حسین
رات بھر نیند میں ہے مرا عشق اور حکمران دمشق
گریۂ صبح ہے اور یاد حسین ابر و باد حسین
حشر کا دن فرشتوں کی آواز اور مستقل خامشی
ایک ناد علی ایک ناد حسین ابر و باد حسین
ایک بارش بھری تیز مہکار سے دل مہکنے لگا
جاں نشیب حسن دل سواد حسین ابر و باد حسین
آیۂ خواب پر پاک اصحاب پر مستقل رحمتیں
کربلائی ہیں ہم خانہ زاد حسین ابر و باد حسین
شیشۂ جان کے نام کی ریت تھی سرخ تر ہو گئی
وہ مراد نبی وہ مراد حسین ابر و باد حسین
کوفۂ نام میں یہ لڑائی مری آخری سانس تک
میری حب علی ہے جہاد حسین ابر و باد حسین
مرگ بر مرگ ہو اس پہ جو کوفیوں کی طرح اڑ گیا
جو گرجنے لگا اس کو داد حسین ابر و باد حسین
اقتدار جاوید
Khoon fishan ho gaya gul nihad Husain abr o baad Husain
Khoon fishan ho gaya gul nihad Husain abr o baad Husain
Chal padi regzaron mein baad Husain abr o baad Husain
Raat bhar neend mein hai mera ishq aur hukmran-e-Dimashq
Girya-e-subah hai aur yaad Husain abr o baad Husain
Hashr ka din farishton ki aawaz aur mustaqil khamoshi
Ek Naad-e-Ali ek Naad-e-Husain abr o baad Husain
Ek barish bhari tez mahkaar se dil mahakne laga
Jaan nasheeb-e-Husn dil sawad-e-Husain abr o baad Husain
Aaya khwab par paak ashab par mustaqil rehmaten
Karbalai hain hum khana zaad Husain abr o baad Husain
Sheesha-e-jaan ke naam ki ret thi surkh tar ho gayi
Woh murad-e-Nabi woh murad-e-Husain abr o baad Husain
Koofa naam mein yeh ladai meri akhiri saans tak
Meri hubb-e-Ali hai jihad-e-Husain abr o baad Husain
Marg bar marg ho us pe jo Kufiyon ki tarah ud gaya
Jo garajne laga us ko daad-e-Husain abr o baad Husain
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں