کنارے توڑتا منہ زور پانی دیکھنا ہو — اقتدار جاوید
شاعر
کنارے توڑتا منہ زور پانی دیکھنا ہو
کنارے توڑتا منہ زور پانی دیکھنا ہو
پلٹ آؤ جو دریاٸے معانی دیکھنا ہو
یہاں حیرت شناسا گفتگوئیں ڈوبتی ہیں
معانی ڈھونڈھنا مقصد ہو معنی دیکھنا ہو
لیے پھرتا ہوں ساتھ اپنے انہی چڑیوں کی چہکار
مجھے دیکھو جو پیڑ اک آشیانی دیکھنا ہو
ہماری بے بضاعت بے زبانی دیکھ لینا
اگر کوئی سمندر جاودانی دیکھنا ہو
یہیں پر پیچ کھاتا ڈوبتا ظاہر ہے ہوتا
اگر عرصہ زمانی لازمانی دیکھنا ہو
خود اپنے آپ کو پہلے سنبھل کر تھوڑا دیکھے
مجھے جس نے براہ مہربانی دیکھنا ہو
مرے ہم راہ کچھ کہہ کر نہ واپس لوٹنا ہو
مرے ہم راہ قہر بے زبانی دیکھنا ہو
نظر کرنا مرے مڑتے ہوئے رستے کی جانب
کنارہ یا ستارہ آسمانی دیکھنا ہو
ہمیں دیکھو کہ ہم ہیں زندۂ جاوید جاویدؔ
کسی نے کوئی فانی غیر فانی دیکھنا ہو
اقتدار جاوید
Kinare todta munh zor paani dekhna ho
Kinare todta munh zor paani dekhna ho
Palat aao jo daryate ma'ani dekhna ho
Yahan hairat shanasa guftugoo'ein doobti hain
Ma'ani dhoondhna maqsad ho ma'ani dekhna ho
Liye phirta hoon saath apne inhi chiryon ki chehkaar
Mujhe dekho jo ped ek aashiyani dekhna ho
Hamari be-baza'at be-zubani dekh lena
Agar koi samandar jaawedaani dekhna ho
Yahīn par pech khata doobta zahir hai hota
Agar arsa zamani la-zamani dekhna ho
Khud apne aap ko pehle sambhal kar thoda dekhe
Mujhe jis ne baraah-e-mehrbani dekhna ho
Mere humrah kuch keh kar na wapas lautna ho
Mere humrah qahr-e-be-zubani dekhna ho
Nazar karna mere mudte hue raste ki jaanib
Kinara ya sitara aasmani dekhna ho
Hamein dekho ke hum hi hain zinda jaaveed jaaveed
Kisi ne koi faani ghair faani dekhna ho
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں