کسی تہہ سے ابھرتا جا رہا ہوں — اقتدار جاوید
شاعر
کسی تہہ سے ابھرتا جا رہا ہوں
کسی تہہ سے ابھرتا جا رہا ہوں
کنواں پانی سے بھرتا جا رہا ہوں
چمک اٹھے گی تھوڑی دیر میں صبح
فضا تصویر کرتا جا رہا ہوں
یہاں پانی تڑپ اٹھے گا شاید
کوئی دہشت ہے ڈرتا جا رہا ہوں
مری نیلاہٹیں بھی ہیں ابد زا
فلک اوپر بکھرتا جا رہا ہوں
یہ کن ہاتھوں میں میں آیا ہوا ہوں
یہ کن لوگوں میں برتا جا رہا ہوں
کسی کے آسماں کا چاند ہوں میں
منڈیروں پر اترتا جا رہا ہوں
ہوا ہوں اور نظر آتا نہیں ہوں
علاقوں سے گزرتا جا رہا ہوں
کسی کا حسن دل افروز ہوں میں
سو آئے دن نکھرتا جا رہا ہوں
کوئی کھلنے کی بار آور گھڑی ہے
قباؤں کو کترتا جا رہا ہوں
اقتدار جاوید
Kisi teh se ubharta ja raha hoon
Kisi teh se ubharta ja raha hoon
Kunwaan paani se bharta ja raha hoon
Chamak uthe gi thodi der mein subah
Fiza tasveer karta ja raha hoon
Yahan paani tadap uthe ga shayed
Koi dehshat hai darta ja raha hoon
Meri neelahatein bhi hain abad zaa
Falak upar bikhrta ja raha hoon
Yeh kin haathon mein main aaya hua hoon
Yeh kin logon mein bartta ja raha hoon
Kisi ke aasman ka chand hoon main
Mundeeron par utarta ja raha hoon
Hawa hoon aur nazar aata nahin hoon
Ilaqon se guzarta ja raha hoon
Kisi ka husn dil-afroz hoon main
So aaye din nikhrta ja raha hoon
Koi khulne ki baar-awar ghadi hai
Qabaon ko katarta ja raha hoon
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں