کوئی الف لیلیٰ کا خطہ دشتوں والا غاروں والا — اقتدار جاوید
شاعر
کوئی الف لیلیٰ کا خطہ دشتوں والا غاروں والا
کوئی الف لیلیٰ کا خطہ دشتوں والا غاروں والا
شہر کوئی بغداد نما ہے کوچہ ہے عطاروں والا
ڈھولوں کی رفتار میں تیزی چڑیوں کی چہکار میں تیزی
فصل کوئی ہے پکنے والی موسم ہے تہواروں والا
بھول گئے ہیں اپنی ہستی موروں کی ہے اور ہی مستی
صبح سفید سی لاچے والی لال گلابی نعروں والا
کشتی ہچکولوں میں آئی مستی کیا بولوں میں آئی
یہ چڑھتل دریاؤں والی یہ تمغہ پتواروں والا
جو ہے پاس نچھاور کر دوں جنگل میں مہکاریں بھر دوں
کستوری کی مہک اڑا دوں شیر ہے دور کچھاروں والا
ایک نشانی پکی اس کی آٹا اس کا چکی اس کی
قفل پرانی لکڑی کا ہے گیٹ بڑا درباروں والا
پکی روٹی یاد کروں گی میں بھی اپنی جھولی بھروں گی
اب ششماہی بعد آئے گا کاتک میں سیپاروں والا
بخت بڑا ہے میں بھی بڑا ہوں میں مواجہہ آگے کھڑا ہوں
گھڑی درودوں والی ہے یہ خطہ پاک دیاروں والا
اپنی نیندیں اپنے سپنے برتن چین سے مہنگے اپنے
آوا اپنا ٹبے اوپر چکا ہے کمہاروں والا
اقتدار جاوید
Koi Alf Laila ka khitta dashton wala gharon wala
Koi Alf Laila ka khitta dashton wala gharon wala
Shehar koi Baghdad numa hai koocha hai attaron wala
Dholon ki raftaar mein tezi chiryon ki chehkaar mein tezi
Fasal koi hai pakne wali mausam hai tehwaron wala
Bhool gaye hain apni hasti moron ki hai aur hi masti
Subah safed si laache wali laal gulabi naaron wala
Kashti hichkolon mein aayi masti kya bolon mein aayi
Yeh chadhtal daryaon wali yeh tamgha patwaron wala
Jo hai paas nichhawar kar doon jungle mein mahkarein bhar doon
Kasturi ki mahak uda doon sher hai door kachharon wala
Ek nishani pakki us ki aata us ka chakki us ki
Qufl purani lakdi ka hai gate bada darbariyon wala
Pakki roti yaad karungi main bhi apni jholi bharungi
Ab shashmahi baad aaega Kartik mein siparon wala
Bakht bada hai main bhi bada hoon main muwajaha aage khada hoon
Ghadi daroodon wali hai yeh khitta paak diyaron wala
Apni neendein apne sapne bartan cheen se mahnge apne
Aawa apna tibbe upar chuka hai kumharon wala
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں