لیے پھرتا ہے یہ آزار اپنے راستے کا — اقتدار جاوید
شاعر
لیے پھرتا ہے یہ آزار اپنے راستے کا
لیے پھرتا ہے یہ آزار اپنے راستے کا
فقط پانی ہے واقف کار اپنے راستے کا
میں دیکھے جا رہا ہوں ساری چیزوں کو دوبارہ
ہوا تھا خواب میں دیدار اپنے راستے کا
کوئی لمبے سفر پر دور جانا چاہتا ہے
کہ ہر کوئی ہے خود مختار اپنے راستے کا
کٹی اک اور ہی نشے میں ہم راہی ہماری
مرے ساتھ آ گیا بیزار اپنے راستے کا
سفر کو لوگ جو اجڑے ہوئے ملتے ہیں ان کو
بنا دیتا ہے لالہ زار اپنے راستے کا
جڑی جاتی ہے مستی سے بھری مہکار کوئی
مسافر آپ ہے گلزار اپنے راستے کا
پہنچنے یہ نہیں دے گا کسی کو بھی کہیں پر
کہ مرواٸے گا خوش گفتار اپنے راستے کا
کئی قرنوں کے بعد اپنے کئے تھے پتے ظاہر
بتایا میں نے آخر کار اپنے راستے کا
بناتا ہوں گھنیری چھاؤں اور خود بیٹھتا ہوں
شجر ہوں کوئی سایہ دار اپنے راستے کا
چلے آؤ ابھی چپ چاپ میرے پیچھے پیچھے
کروں گا ایک دن اظہار اپنے راستے کا
اقتدار جاوید
Liye phirta hai yeh azaar apne raaste ka
Liye phirta hai yeh azaar apne raaste ka
Faqat paani hai waqif-kaar apne raaste ka
Main dekhe ja raha hoon saari cheezon ko dobara
Hua tha khwab mein deedar apne raaste ka
Koi lambe safar par door jaana chahta hai
Ke har koi hai khud-mukhtaar apne raaste ka
Kati ek aur hi nashe mein humraahi hamari
Mere saath aa gaya bezaar apne raaste ka
Safar ko log jo ujde hue milte hain un ko
Bana deta hai laala-zaar apne raaste ka
Judi jaati hai masti se bhari mahkaar koi
Musafir aap hai gulzaar apne raaste ka
Pahunchne yeh nahin dega kisi ko bhi kahin par
Ke marwaega khush guftaar apne raaste ka
Kai qarnon ke baad apne kiye the patte zahir
Bataya maine akhir-kaar apne raaste ka
Banata hoon ghaneri chhaon aur khud baithta hoon
Shajar hoon koi saya-daar apne raaste ka
Chale aao abhi chup-chaap mere peechhe peechhe
Karunga ek din izhaar apne raaste ka
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں