لوگ کہتے ہیں وبا ہے یہ وبا کا وقت ہے — اقتدار جاوید
شاعر
لوگ کہتے ہیں وبا ہے یہ وبا کا وقت ہے
لوگ کہتے ہیں وبا ہے یہ وبا کا وقت ہے
یہ گھڑی مشکل کی ہے مشکل کشا کا وقت ہے
صبح کاذب کی سحر انگیزیاں دائم وہیں
کوئی دریا ہے اندھیرا ہے خدا کا وقت ہے
دن نکلتا ہے ابھی تک اک حیات آثار دن
آسمانوں پر ستارے ہیں ثنا کا وقت ہے
شہر کو کھا جانے والی ہے یہ میناروں کی چپ
کوئی نوبت ہے نمازوں کی قضا کا وقت ہے
اک ذرا توضیح جس کی ہو نہیں سکنی ابھی
میری مٹھی میں ابھی کوئی بلا کا وقت ہے
پاؤں رکھتے ہیں اٹھاتے ہیں پلٹ آتے ہیں ہم
رہ گزر پر ایک انجانی صدا کا وقت ہے
پھیلتی جاتی ہے اک بے ہیئتی چاروں طرف
یہ دعا کا وقت ہے یہ بد دعا کا وقت ہے
درمیاں میں دوسری ساعت کا امکاں تک نہیں
ابتدا کا وقت ہے اور انتہا کا وقت ہے
اہل دنیا پر بھروسے کی کوئی وقعت نہیں
یہ عراق زندگانی ہے رسا کا وقت ہے
اقتدار جاوید
Log kehte hain waba hai yeh waba ka waqt hai
Log kehte hain waba hai yeh waba ka waqt hai
Yeh ghadi mushkil ki hai mushkil kusha ka waqt hai
Subh-e-kazib ki sehar-angeziyaan daayam wahin
Koi darya hai andhera hai Khuda ka waqt hai
Din nikalta hai abhi tak ik hayaat-aasar din
Aasmanon par sitare hain sana ka waqt hai
Sheher ko kha jane wali hai yeh minaron ki chup
Koi naubat hai namazon ki qaza ka waqt hai
Ik zara tauzeeh jis ki ho nahin sakni abhi
Meri mutthi mein abhi koi bala ka waqt hai
Paon rakhte hain uthate hain palat aate hain hum
Reh guzar par ek anjani sada ka waqt hai
P फैलti jati hai ik be-haiyati charon taraf
Yeh dua ka waqt hai yeh bad-dua ka waqt hai
Darmiyan mein doosri saa'at ka imkaan tak nahin
Ibtida ka waqt hai aur intiha ka waqt hai
Ahl-e-duniya par bharose ki koi waq'at nahin
Yeh Iraq-e-zindagani hai rasa ka waqt hai
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں