یہ رنگ اٹھا کے مخفی خزانے سے آیا ہوں — اقتدار جاوید
شاعر
یہ رنگ اٹھا کے مخفی خزانے سے آیا ہوں
یہ رنگ اٹھا کے مخفی خزانے سے آیا ہوں
میں جیسے آنے والے زمانے سے آیا ہوں
ایسی دعا ہوں جو نہیں ہونی کبھی قبول
اک تیر ہوں پلٹ کے نشانے سے آیا ہوں
پھیلی قدیم دوست کی چاروں طرف مہک
پھل لے کے کتنے پیڑ پرانے سے آیا ہوں
ظاہر کہاں پہ ہونا تھا بے خانماں سرشت
تیرے جہاں میں تیرے بہانے سے آیا ہوں
اترے نہیں تھے دل سے بھی ایسے تو واقعات
کچھ یاد اس کو پینے پلانے سے آیا ہوں
مجھ کو بھرے جہاں میں کوئی پوچھتا نہ تھا
دنیا کو میں نظر ترے آنے سے آیا ہوں
میں نے کہاں جھلکنا تھا ان پانیوں کے بیچ
خود کو نظر میں شیشہ بنانے سے آیا ہوں
باغوں میں پیڑ پیڑ پہ پھل پھل میں ذائقہ
پا کر یہ تحفے ایک گھرانے سے آیا ہوں
اک اور شکل میں ذرا اک اور طرح میں
اک دوسرے میں رنگ ملانے سے آیا ہوں
اقتدار جاوید
Yeh rang utha ke makhfi khazane se aaya hoon
Yeh rang utha ke makhfi khazane se aaya hoon
Main jaise aane wale zamane se aaya hoon
Aisi dua hoon jo nahin honi kabhi qubool
Ek teer hoon palat ke nishane se aaya hoon
Phaili qadeem dost ki charon taraf mehak
Phal le ke kitne peed purane se aaya hoon
Zaahir kahan pe hona tha be-khanmaan sarisht
Tere jahan mein tere bahane se aaya hoon
Utre nahin the dil se bhi aise to waqiyat
Kuchh yaad us ko peene pilane se aaya hoon
Mujh ko bhare jahan mein koi poochhta na tha
Duniya ko main nazar tere aane se aaya hoon
Maine kahan jhalakna tha in paniyon ke beech
Khud ko nazar mein sheesha banane se aaya hoon
Baghon mein peed peed pe phal phal mein zaa'iqa
Pa kar yeh tohfe ek gharane se aaya hoon
Ek aur shakal mein zara ek aur tarah mein
Ek doosre mein rang milane se aaya hoon
شاعر کے بارے میں
اقتدار جاوید معاصر اردو ادب کے ان ممتاز شعرا میں شمار ہوتے ہیں جنہوں نے اپنی منفرد فکری بصیرت، تہذیبی شعور اور علامتی اسلوب کے ذریعے اردو شاعری میں نمایاں مقام حاصل کیا۔ یکم نومبر 1959ء کو ضلع منڈی بہاؤالدین کے گاؤں بادشاہ پور میں پیدا ہونے والے اقتدار جاوید ایک علمی اور روحانی خانوادے سے تعلق رکھتے ہیں۔ ان کے والد سراج قادری پنجابی زبان کے معرو...
مکمل تعارف پڑھیں