آئے کیا کیا یاد نظر جب پڑتی ان دالانوں پر — جان نثار اختر
شاعر
آئے کیا کیا یاد نظر جب پڑتی ان دالانوں پر
آئے کیا کیا یاد نظر جب پڑتی ان دالانوں پر
اس کا کاغذ چپکا دینا گھر کے روشن دانوں پر
آج بھی جیسے شانے پر تم ہاتھ مرے رکھ دیتی ہو
چلتے چلتے رک جاتا ہوں ساری کی دوکانوں پر
برکھا کی تو بات ہی چھوڑو چنچل ہے پروائی بھی
جانے کس کا سبز دوپٹا پھینک گئی ہے دھانوں پر
شہر کے تپتے فٹ پاتھوں پر گاؤں کے موسم ساتھ چلیں
بوڑھے برگد ہاتھ سا رکھ دیں میرے جلتے شانوں پر
سستے داموں لے تو آتے لیکن دل تھا بھر آیا
جانے کس کا نام کھدا تھا پیتل کے گل دانوں پر
اس کا کیا من بھید بتاؤں اس کا کیا انداز کہوں
بات بھی میری سننا چاہے ہاتھ بھی رکھے کانوں پر
اور بھی سینہ کسنے لگتا اور کمر بل کھا جاتی
جب بھی اس کے پاؤں پھسلنے لگتے تھے ڈھلوانوں پر
شعر تو ان پر لکھے لیکن اوروں سے منسوب کئے
ان کو کیا کیا غصہ آیا نظموں کے عنوانوں پر
یارو اپنے عشق کے قصے یوں بھی کم مشہور نہیں
کل تو شاید ناول لکھے جائیں ان رومانوں پر
Aaye kya kya yaad nazar jab padti in dalaanoN par
Aaye kya kya yaad nazar jab padti in dalaanoN par
Us ka kaaghaz chipka dena ghar ke raushan daanoN par
Aaj bhi jaise shane par tum haath mere rakh deti ho
Chalte chalte ruk jaata hoon saari ki dukaanoN par
Barkha ki to baat hi chhodo chanchal hai parwaai bhi
Jaane kis ka sabz dupatta phenk gayi hai dhaanoN par
Shehr ke tapte futpaathoN par gaaon ke mausam saath chalain
Buddhe bargad haath sa rakh dein mere jalte shaanoN par
Saste daamon le to aate lekin dil thha bhar aaya
Jaane kis ka naam khuda thha pital ke guldaanoN par
Us ka kya mun bhed bataaun us ka kya andaaz kahun
Baat bhi meri sunna chaahe haath bhi rakhe kaanon par
Aur bhi seena kasne lagta aur kamar bal kha jaati
Jab bhi us ke paaun phisalne lagte thhe dhalwanoN par
Sh'er to un par likhe lekin auroN se mansoob kiye
Un ko kya kya ghussa aaya nazmon ke unwaanoN par
Yaaro apne ishq ke qisse yoon bhi kam mash-hoor nahin
Kal to shayad novel likhe jaain in romaanoN par
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں