زمیں ہوگی کسی قاتل کا داماں ہم نہ کہتے تھے

زمیں ہوگی کسی قاتل کا داماں ہم نہ کہتے تھے
اکارت جائے گا خون شہیداں ہم نہ کہتے تھے
علاج چاک پیراہن ہوا تو اس طرح ہوگا
سیا جائے گا کانٹوں سے گریباں ہم نہ کہتے تھے
ترانے کچھ دئیے لفظوں میں خود کو قید کر لیں گے
عجب انداز سے پھیلے گا زنداں ہم نہ کہتے تھے
کوئی اتنا نہ ہوگا لاش بھی لے جا کے دفنا دے
انہیں سڑکوں پہ مر جائے گا انساں ہم نہ کہتے تھے
نظر لپٹی ہے شعلوں میں لہو تپتا ہے آنکھوں میں
اٹھا ہی چاہتا ہے کوئی طوفاں ہم نہ کہتے تھے
چھلکتے جام میں بھیگی ہوئی آنکھیں اتر آئیں
ستائے گی کسی دن یاد یاراں ہم نہ کہتے تھے
نئی تہذیب کیسے لکھنؤ کو راس آئے گی
اجڑ جائے گا یہ شہر غزالاں ہم نہ کہتے تھے

Zameen hogi kisi qatil ka daaman hum na kehte the

Zameen hogi kisi qatil ka daaman hum na kehte the
Akaarat jaayega khoon-e-shaheedan hum na kehte the
Ilaj-e-chaak-e-pairahan hua to is tarah hoga
Siya jaayega kaanton se gareban hum na kehte the
Tarane kuch diye lafzon mein khud ko qaid kar lenge
Ajab andaaz se phailega zindaan hum na kehte the
Koi itna na hoga laash bhi le ja ke dafna de
Inhein sadkon pe mar jaayega insaan hum na kehte the
Nazar lipati hai sholon mein lahoo tapta hai aankhon mein
Utha hi chahta hai koi toofan hum na kehte the
Chhalkate jaam mein bheegi hui aankhein utar aayeen
Satayegi kisi din yaad-e-yaaran hum na kehte the
Nayi tehzeeb kaise Lucknow ko raas aayegi
Ujad jaayega ye shahr-e-ghazalan hum na kehte the

شاعر کے بارے میں

جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...

مکمل تعارف پڑھیں

زمیں ہوگی کسی قاتل کا داماں ہم نہ کہتے تھے — جان نثار اختر

شاعر