وہ لوگ ہی ہر دور میں محبوب رہے ہیں — جان نثار اختر
شاعر
وہ لوگ ہی ہر دور میں محبوب رہے ہیں
وہ لوگ ہی ہر دور میں محبوب رہے ہیں
جو عشق میں طالب نہیں مطلوب رہے ہیں
طوفان کی آواز تو آتی نہیں لیکن
لگتا ہے سفینے سے کہیں ڈوب رہے ہیں
ان کو نہ پکارو غم دوراں کے لقب سے
جو درد کسی نام سے منسوب رہے ہیں
ہم بھی تری صورت کے پرستار ہیں لیکن
کچھ اور بھی چہرے ہمیں مرغوب رہے ہیں
الفاظ میں اظہار محبت کے طریقے
خود عشق کی نظروں میں بھی معیوب رہے ہیں
اس عہد بصیرت میں بھی نقاد ہمارے
ہر ایک بڑے نام سے مرعوب رہے ہیں
اتنا بھی نہ گھبراؤ نئی طرز ادا سے
ہر دور میں بدلے ہوئے اسلوب رہے ہیں
Woh log hi har daur mein mehboob rahe hain
Woh log hi har daur mein mehboob rahe hain
Jo ishq mein talib nahin matloob rahe hain
Toofan ki aawaaz to aati nahin lekin
Lagta hai safeene se kahin doob rahe hain
In ko na pukaro gham-e-dauraan ke laqab se
Jo dard kisi naam se mansoob rahe hain
Hum bhi teri soorat ke parastaar hain lekin
Kuch aur bhi chehre hamein marghoob rahe hain
Alfaaz mein izhar-e-mohabbat ke tareeqe
Khud ishq ki nazron mein bhi ma'yoob rahe hain
Is ahd-e-baseerat mein bhi naqqad hamare
Har ek bade naam se mar'oob rahe hain
Itna bhi na ghabrao nayi tarz-e-ada se
Har daur mein badle hue usloob rahe hain
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں