اچھا ہے ان سے کوئی تقاضا کیا نہ جائے — جان نثار اختر
شاعر
اچھا ہے ان سے کوئی تقاضا کیا نہ جائے
اچھا ہے ان سے کوئی تقاضا کیا نہ جائے
اپنی نظر میں آپ کو رسوا کیا نہ جائے
ہم ہیں ترا خیال ہے تیرا جمال ہے
اک پل بھی اپنے آپ کو تنہا کیا نہ جائے
اٹھنے کو اٹھ تو جائیں تری انجمن سے ہم
پر تیری انجمن کو بھی سونا کیا نہ جائے
ان کی روش جدا ہے ہماری روش جدا
ہم سے تو بات بات پہ جھگڑا کیا نہ جائے
ہر چند اعتبار میں دھوکے بھی ہیں مگر
یہ تو نہیں کسی پہ بھروسا کیا نہ جائے
لہجہ بنا کے بات کریں ان کے سامنے
ہم سے تو اس طرح کا تماشا کیا نہ جائے
انعام ہو خطاب ہو ویسے ملے کہاں
جب تک سفارشوں کو اکٹھا کیا نہ جائے
اس وقت ہم سے پوچھ نہ غم روزگار کے
ہم سے ہر ایک گھونٹ کو کڑوا کیا نہ جائے
Achha hai un se koi taqaza kiya na jaaye
Achha hai un se koi taqaza kiya na jaaye
Apni nazar mein aap ko ruswa kiya na jaaye
Hum hain tera khayal hai tera jamaal hai
Ik pal bhi apne aap ko tanhaa kiya na jaaye
Uthne ko uth to jaayein teri anjuman se hum
Par teri anjuman ko bhi soona kiya na jaaye
Unki rawish juda hai hamari rawish juda
Hum se to baat baat pe jhagda kiya na jaaye
Har chand aitbaar mein dhoke bhi hain magar
Yeh to nahin kisi pe bharosa kiya na jaaye
Lahja bana ke baat karein un ke saamne
Hum se to is tarah ka tamasha kiya na jaaye
Inaam ho khitaab ho waise mile kahan
Jab tak sifarishon ko ikattha kiya na jaaye
Us waqt hum se poochh na gham-e-rozgar ke
Hum se har ek ghont ko kadwa kiya na jaaye
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں