اشعار مرے یوں تو زمانے کے لیے ہیں — جان نثار اختر
شاعر
اشعار مرے یوں تو زمانے کے لیے ہیں
اشعار مرے یوں تو زمانے کے لیے ہیں
کچھ شعر فقط ان کو سنانے کے لیے ہیں
اب یہ بھی نہیں ٹھیک کہ ہر درد مٹا دیں
کچھ درد کلیجے سے لگانے کے لیے ہیں
سوچو تو بڑی چیز ہے تہذیب بدن کی
ورنہ یہ فقط آگ بجھانے کے لیے ہیں
آنکھوں میں جو بھر لو گے تو کانٹوں سے چبھیں گے
یہ خواب تو پلکوں پہ سجانے کے لیے ہیں
دیکھوں ترے ہاتھوں کو تو لگتا ہے ترے ہاتھ
مندر میں فقط دیپ جلانے کے لیے ہیں
یہ علم کا سودا یہ رسالے یہ کتابیں
اک شخص کی یادوں کو بھلانے کے لیے ہیں
Ash'aar mere yoon to zamane ke liye hain
Ash'aar mere yoon to zamane ke liye hain
Kuchh sh'er faqat unko sunaane ke liye hain
Ab yeh bhi nahin theek ke har dard mita dein
Kuchh dard kaleje se lagaane ke liye hain
Socho to badi cheez hai tehzeeb-e-badan ki
Warna yeh faqat aag bujhaane ke liye hain
Aankhon mein jo bhar loge to kaantoN se chhubheinge
Yeh khwaab to palkoN pe sajaane ke liye hain
Dekhoon tere haathon ko to lagta hai tere haath
Mandir mein faqat deep jalaane ke liye hain
Yeh ilm ka sauda yeh rasaale yeh kitaabein
Ik shakhs ki yaadon ko bhulaane ke liye hain
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں