بہت دل کر کے ہونٹوں کی شگفتہ تازگی دی ہے — جان نثار اختر
شاعر
بہت دل کر کے ہونٹوں کی شگفتہ تازگی دی ہے
بہت دل کر کے ہونٹوں کی شگفتہ تازگی دی ہے
چمن مانگا تھا پر اس نے بمشکل اک کلی دی ہے
مرے خلوت کدے کے رات دن یوں ہی نہیں سنورے
کسی نے دھوپ بخشی ہے کسی نے چاندنی دی ہے
نظر کو سبز میدانوں نے کیا کیا وسعتیں بخشیں
پگھلتے آبشاروں نے ہمیں دریا دلی دی ہے
محبت ناروا تقسیم کی قائل نہیں پھر بھی
مری آنکھوں کو آنسو تیرے ہونٹوں کو ہنسی دی ہے
مری آوارگی بھی اک کرشمہ ہے زمانے میں
ہر اک درویش نے مجھ کو دعائے خیر ہی دی ہے
کہاں ممکن تھا کوئی کام ہم جیسے دوانوں سے
تمہیں نے گیت لکھوائے تمہیں نے شاعری دی ہے
Bahut dil kar kar ke honthon ki shagufta taazgi di hai
Bahut dil kar kar ke honthon ki shagufta taazgi di hai
Chaman maanga thha par us ne ba mushkil ik kali di hai
Mere khalwat kade ke raat din yoonhi nahin sanwre
Kisi ne dhoop bakhshi hai kisi ne chandni di hai
Nazar ko sabz maidaanoN ne kya kya wus'atein bakhshein
Pighalte aabsharon ne humein darya dili di hai
Mohabbat na-rawa taqseem ki qayal nahin phir bhi
Meri aankhon ko aansu tere honthoN ko hansi di hai
Meri aawaargi bhi ik karishma hai zamane mein
Har ik darvesh ne mujhko duaa-e-khair hi di hai
Kahan mumkin thha koi kaam hum jaise deewanoN se
Tumhin ne geet likhwane tumhin ne shayari di hai
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں