حوصلہ کھو نہ دیا تیری نہیں سے ہم نے — جان نثار اختر
شاعر
حوصلہ کھو نہ دیا تیری نہیں سے ہم نے
حوصلہ کھو نہ دیا تیری نہیں سے ہم نے
کتنی شکنوں کو چنا تیری جبیں سے ہم نے
وہ بھی کیا دن تھے کہ دیوانہ بنے پھرتے تھے
سن لیا تھا ترے بارے میں کہیں سے ہم نے
جس جگہ پہلے پہل نام ترا آتا ہے
داستاں اپنی سنائی ہے وہیں سے ہم نے
یوں تو احسان حسینوں کے اٹھائے ہیں بہت
پیار لیکن جو کیا ہے تو تمہیں سے ہم نے
کچھ سمجھ کر ہی خدا تجھ کو کہا ہے ورنہ
کون سی بات کہی اتنے یقیں سے ہم نے
Hausla kho na diya teri nahin se hum ne
Hausla kho na diya teri nahin se hum ne
Kitni shiknon ko chuna teri jabeen se hum ne
Woh bhi kya din thhe ke deewane bane phirte thhe
Sun liya thha tere baare mein kahin se hum ne
Jis jagah pehle pehal naam tera aata hai
DastaaN apni sunayi hai wahin se hum ne
Yoon to ehsaan haseenoN ke uthaye hain bahut
Pyaar lekin jo kiya hai to tumhin se hum ne
Kuchh samajh kar hi Khuda tujh ko kaha hai warna
Kaun si baat kahi itne yaqeen se hum ne
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں