جسم کی ہر بات ہے آوارگی یہ مت کہو — جان نثار اختر
شاعر
جسم کی ہر بات ہے آوارگی یہ مت کہو
جسم کی ہر بات ہے آوارگی یہ مت کہو
ہم بھی کر سکتے ہیں ایسی شاعری یہ مت کہو
اس نظر کی اس بدن کی گنگناہٹ تو سنو
ایک سی ہوتی ہے ہر اک راگنی یہ مت کہو
ہم سے دیوانوں کے بن دنیا سنورتی کس طرح
عقل کے آگے ہے کیا دیوانگی یہ مت کہو
کٹ سکی ہیں آج تک سونے کی زنجیریں کہاں
ہم بھی اب آزاد ہیں یارو ابھی یہ مت کہو
پاؤں اتنے تیز ہیں اٹھتے نظر آتے نہیں
آج تھک کر رہ گیا ہے آدمی یہ مت کہو
جتنے وعدے کل تھے اتنے آج بھی موجود ہیں
ان کے وعدوں میں ہوئی ہے کچھ کمی یہ مت کہو
دل میں اپنے درد کی چھٹکی ہوئی ہے چاندنی
ہر طرف پھیلی ہوئی ہے تیرگی یہ مت کہو
Jism ki har baat hai aawaargi yeh mat kaho
Jism ki har baat hai aawaargi yeh mat kaho
Hum bhi kar sakte hain aisi shayari yeh mat kaho
Is nazar ki is badan ki gungunaahat to suno
Ek si hoti hai har ek raagni yeh mat kaho
Hum se deewanoN ke bin duniya sanwarti kis tarah
Aql ke aage hai kya deewanagi yeh mat kaho
Cut saki hain aaj tak sone ki zanjeerein kahan
Hum bhi ab azaad hain yaaro abhi yeh mat kaho
Paaon itne tez hain uthte nazar aate nahin
Aaj thak kar reh gaya hai aadmi yeh mat kaho
Jitne waade kal thhe utne aaj bhi maujood hain
Unke waadoN mein hui hai kuchh kami yeh mat kaho
Dil mein apne dard ki chhitki hui hai chandni
Har taraf phaili hui hai teeragi yeh mat kaho
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں