سو چاند بھی چمکیں گے تو کیا بات بنے گی — جان نثار اختر
شاعر
سو چاند بھی چمکیں گے تو کیا بات بنے گی
سو چاند بھی چمکیں گے تو کیا بات بنے گی
تم آئے تو اس رات کی اوقات بنے گی
ان سے یہی کہہ آئیں کہ اب ہم نہ ملیں گے
آخر کوئی تقریب ملاقات بنے گی
اے ناوک غم دل میں ہے اک بوند لہو کی
کچھ اور تو کیا ہم سے مدارات بنے گی
یہ ہم سے نہ ہوگا کہ کسی ایک کو چاہیں
اے عشق ہماری نہ ترے سات بنے گی
یہ کیا ہے کہ بڑھتے چلو بڑھتے چلو آگے
جب بیٹھ کے سوچیں گے تو کچھ بات بنے گی
Sau chaand bhi chamkeinge to kya baat bane gi
Sau chaand bhi chamkeinge to kya baat bane gi
Tum aaye to is raat ki auqat bane gi
Un se yehi keh aayein ke ab hum na mileinge
Aakhir koi taqreeb-e-mulaqat bane gi
Ae nauhak-e-gham dil mein hai ek boond lahoo ki
Kuchh aur to kya hum se madaraat bane gi
Yeh hum se na hoga ke kisi ek ko chaahein
Ae ishq hamari na tere saath bane gi
Yeh kya hai ke badhte chalo badhte chalo aage
Jab baith ke sochenge to kuchh baat bane gi
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں