تم پہ کیا بیت گئی کچھ تو بتاؤ یارو — جان نثار اختر
شاعر
تم پہ کیا بیت گئی کچھ تو بتاؤ یارو
تم پہ کیا بیت گئی کچھ تو بتاؤ یارو
میں کوئی غیر نہیں ہوں کہ چھپاؤ یارو
ان اندھیروں سے نکلنے کی کوئی راہ کرو
خون دل سے کوئی مشعل ہی جلاؤ یارو
ایک بھی خواب نہ ہو جن میں وہ آنکھیں کیا ہیں
اک نہ اک خواب تو آنکھوں میں بساؤ یارو
بوجھ دنیا کا اٹھاؤں گا اکیلا کب تک
ہو سکے تم سے تو کچھ ہاتھ بٹاؤ یارو
زندگی یوں تو نہ بانہوں میں چلی آئے گی
غم دوراں کے ذرا ناز اٹھاؤ یارو
عمر بھر قتل ہوا ہوں میں تمہاری خاطر
آخری وقت تو سولی نہ چڑھاؤ یارو
اور کچھ دیر تمہیں دیکھ کے جی لوں ٹھہرو
میری بالیں سے ابھی اٹھ کے نہ جاؤ یارو
Tum pe kya beet gai kuch to batao yaaro
Tum pe kya beet gai kuch to batao yaaro
Main koi ghair nahin hoon ke chhupao yaaro
In andheron se nikalne ki koi raah karo
Khoon-e-dil se koi mash'al hi jalao yaaro
Ek bhi khwab na ho jin mein wo aankhein kya hain
Ek na ek khwab to aankhon mein basao yaaro
Bojh duniya ka uthaun ga akela kab tak
Ho sake tum se to kuch haath batao yaaro
Zindagi yun to na banhon mein chali aayegi
Gham-e-dauraan ke zara naaz uthao yaaro
Umr bhar qatl hua hoon main tumhari khaatir
Aakhiri waqt to sooli na chadhao yaaro
Aur kuch der tumhein dekh ke jee loon thehro
Meri baalin se abhi uth ke na jao yaaro
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں