افق اگرچہ پگھلتا دکھائی پڑتا ہے — جان نثار اختر
شاعر
افق اگرچہ پگھلتا دکھائی پڑتا ہے
افق اگرچہ پگھلتا دکھائی پڑتا ہے
مجھے تو دور سویرا دکھائی پڑتا ہے
ہمارے شہر میں بے چہرہ لوگ بستے ہیں
کبھی کبھی کوئی چہرہ دکھائی پڑتا ہے
چلو کہ اپنی محبت سبھی کو بانٹ آئیں
ہر ایک پیار کا بھوکا دکھائی پڑتا ہے
جو اپنی ذات سے اک انجمن کہا جائے
وہ شخص تک مجھے تنہا دکھائی پڑتا ہے
نہ کوئی خواب نہ کوئی خلش نہ کوئی خمار
یہ آدمی تو ادھورا دکھائی پڑتا ہے
لچک رہی ہیں شعاعوں کی سیڑھیاں پیہم
فلک سے کوئی اترتا دکھائی پڑتا ہے
چمکتی ریت پہ یہ غسل آفتاب ترا
بدن تمام سنہرا دکھائی پڑتا ہے
Ufuq agarche pighalta dikhai padta hai
Ufuq agarche pighalta dikhai padta hai
Mujhe to duur sawera dikhai padta hai
Hamare shahr mein be-chehra log baste hain
Kabhi kabhi koi chehra dikhai padta hai
Chalo ke apni mohabbat sabhi ko baant aayen
Har ek pyaar ka bhooka dikhai padta hai
Jo apni zaat se ek anjuman kaha jaaye
Woh shakhs tak mujhe tanha dikhai padta hai
Na koi khwab na koi khalish na koi khumar
Ye aadmi to adhoora dikhai padta hai
Lachak rahi hain shu'aaon ki seedhiyan paiham
Falak se koi utarta dikhai padta hai
Chamakti ret pe ye ghusl-e-aftab tera
Badan tamam sunahra dikhai padta hai
شاعر کے بارے میں
جان نثار اختر اردو کے ممتاز شاعر اور فلمی نغمہ نگار تھے، جن کا تعلق ترقی پسند ادبی تحریک سے تھا۔ وہ ۱۸ فروری ۱۹۱۴ کو گوالیار (مدھیہ پردیش، بھارت) م...
مکمل تعارف پڑھیں