آیا نہ راس نالۂ دل کا اثر مجھے — جگر مراد آبادی
شاعر
آیا نہ راس نالۂ دل کا اثر مجھے
آیا نہ راس نالۂ دل کا اثر مجھے
اب تم ملے تو کچھ نہیں اپنی خبر مجھے
دل لے کے مجھ سے دیتے ہو داغ جگر مجھے
یہ بات بھولنے کی نہیں عمر بھر مجھے
ہر سو دکھائی دیتے ہیں وہ جلوہ گر مجھے
کیا کیا فریب دیتی ہے میری نظر مجھے
ملتی نہیں ہے لذت درد جگر مجھے
بھولی ہوئی نہ ہو نگہ فتنہ گر مجھے
ڈالا ہے بے خودی نے عجب راہ پر مجھے
آنکھیں ہیں اور کچھ نہیں آتا نظر مجھے
کرنا ہے آج حضرت ناصح سے سامنا
مل جائے دو گھڑی کو تمہاری نظر مجھے
مستانہ کر رہا ہوں رہ عاشقی کو طے
لے جائے جذب شوق مرا اب جدھر مجھے
ڈرتا ہوں جلوۂ رخ جاناں کو دیکھ کر
اپنا بنا نہ لے کہیں میری نظر مجھے
یکساں ہے حسن و عشق کی سر مستیوں کا رنگ
ان کی خبر انہیں ہے نہ میری خبر مجھے
مرنا ہے ان کے پاؤں پہ رکھ کر سر نیاز
کرنا ہے آج قصۂ غم مختصر مجھے
سینے سے دل عزیز ہے دل سے ہو تم عزیز
سب سے مگر عزیز ہے تیری نظر مجھے
میں دور ہوں تو روئے سخن مجھ سے کس لیے
تم پاس ہو تو کیوں نہیں آتے نظر مجھے
کیا جانئے قفس میں رہے کیا معاملہ
اب تک تو ہیں عزیز مرے بال و پر مجھے
Aaya na raas naala-e-dil ka asar mujhe
Aaya na raas naala-e-dil ka asar mujhe
Ab tum mile to kuch nahin apni khabar mujhe
Dil le ke mujh se dete ho daagh-e-jigar mujhe
Yeh baat bhoolne ki nahin umar bhar mujhe
Har soo dikhai dete hain woh jalwa-gar mujhe
Kya kya fareb deti hai meri nazar mujhe
Milti nahin hai lazzat-e-dard-e-jigar mujhe
Bhooli hui na ho nigah-e-fitna-gar mujhe
Daala hai be-khudi ne ajab raah par mujhe
Aankhein hain aur kuch nahin aata nazar mujhe
Karna hai aaj Hazrat Naaseh se saamna
Mil jaaye do ghadi ko tumhari nazar mujhe
Mastana kar raha hoon rah-e-aashiqi ko tai
Le jaaye jazb-e-shauq mera ab jidhar mujhe
Darta hoon jalwa-e-rukh-e-jaanan ko dekh kar
Apna bana na le kahin meri nazar mujhe
Yaksaan hai husn-o-ishq ki sar-mastiyon ka rang
Un ki khabar unhein hai na meri khabar mujhe
Marna hai un ke paaon pe rakh kar sar-e-niyaz
Karna hai aaj qissa-e-gham mukhtasar mujhe
Seene se dil aziz hai dil se ho tum aziz
Sab se magar aziz hai teri nazar mujhe
Main door hoon to rooh-e-sukhan mujh se kis liye
Tum paas ho to kyun nahin aate nazar mujhe
Kya jaaniye qafas mein rahe kya mamla
Ab tak to hain aziz mere baal-o-par mujhe
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں