یادش بخیر جب وہ تصور میں آ گیا — جگر مراد آبادی
شاعر
یادش بخیر جب وہ تصور میں آ گیا
یادش بخیر جب وہ تصور میں آ گیا
شعر و شباب و حسن کا دریا بہا گیا
جب عشق اپنے مرکز اصلی پہ آ گیا
خود بن گیا حسین دو عالم پہ چھا گیا
جو دل کا راز تھا اسے کچھ دل ہی پا گیا
وہ کر سکے بیاں نہ ہمیں سے کہا گیا
ناصح فسانہ اپنا ہنسی میں اڑا گیا
خوش فکر تھا کہ صاف یہ پہلو بچا گیا
اپنا زمانہ آپ بناتے ہیں اہل دل
ہم وہ نہیں کہ جن کو زمانہ بنا گیا
دل بن گیا نگاہ نگہ بن گئی زباں
آج اک سکوت شوق قیامت ہی ڈھا گیا
میرا کمال شعر بس اتنا ہے اے جگرؔ
وہ مجھ پہ چھا گئے میں زمانے پہ چھا گیا
Yaadash bakhair jab woh tasavvur mein aa gaya
Sher-o-shabab-o-husn ka darya baha gaya
Jab ishq apne markaz-e-asli pe aa gaya
Khud ban gaya haseen do alam pe chha gaya
Jo dil ka raaz tha use kuch dil hi pa gaya
Woh kar sake bayan na hamein se kaha gaya
Naseh fasana apna hansi mein ura gaya
Khush fikr tha ke saaf yeh pehlu bacha gaya
Apna zamana aap banate hain ahle dil
Ham woh nahin ke jin ko zamana bana gaya
Dil ban gaya nigah nigah ban gayi zabaan
Aaj ek sukoot-e-shauq qayamat hi dha gaya
Mera kamal-e-sher bas itna hai aye Jigar!
Woh mujh pe chha gaye main zamane pe chha gaya
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں