یہ مصرع کاش نقش ہر در و دیوار ہو جائے — جگر مراد آبادی
شاعر
یہ مصرع کاش نقش ہر در و دیوار ہو جائے
یہ مصرع کاش نقش ہر در و دیوار ہو جائے
جسے جینا ہو مرنے کے لیے تیار ہو جائے
وہی مے خوار ہے جو اس طرح مے خوار ہو جائے
کہ شیشہ توڑ دے اور بے پیے سرشار ہو جائے
دل انساں اگر شائستہ اسرار ہو جائے
لب خاموش فطرت ہی لب گفتار ہو جائے
ہر اک بے کار سی ہستی بروئے کار ہو جائے
جنوں کی روح خوابیدہ اگر بیدار ہو جائے
سنا ہے حشر میں ہر آنکھ اسے بے پردہ دیکھے گی
مجھے ڈر ہے نہ توہین جمال یار ہو جائے
حریم ناز میں اس کی رسائی ہو تو کیوں کر ہو
کہ جو آسودہ زیر سایۂ دیوار ہو جائے
معاذ اللہ اس کی واردات غم معاذ اللہ
چمن جس کا وطن ہو اور چمن بے زار ہو جائے
یہی ہے زندگی تو زندگی سے خودکشی اچھی
کہ انساں عالم انسانیت پر بار ہو جائے
اک ایسی شان پیدا کر کہ باطل تھرتھرا اٹھے
نظر تلوار بن جائے نفس جھنکار ہو جائے
یہ روز و شب یہ صبح و شام یہ بستی یہ ویرانہ
سبھی بیدار ہیں انساں اگر بیدار ہو جائے
Yeh misra kaash naqsh har dar-o-deewar ho jaye
Jise jeena ho marne ke liye taiyyar ho jaye
Wahi mai-khwar hai jo is tarah mai-khwar ho jaye
Ke sheesha tod de aur be piye sarshar ho jaye
Dil insan agar shaista-e-asrar ho jaye
Lab-e-khamosh-e-fitrat hi lab-e-guftar ho jaye
Har ek be-kaar si hasti ba-roo-e-kaar ho jaye
Junoon ki rooh-e-khwabida agar bedaar ho jaye
Suna hai hashr mein har aankh use be-parda dekhegi
Mujhe dar hai na tauheen-e-jamal-e-yaar ho jaye
Hareem-e-naaz mein uski rasayi ho to kyun kar ho
Ke jo aasuda-e-zeer-e-saya-e-deewar ho jaye
Ma'az-Allah uski wardat-e-gham Ma'az-Allah
Chaman jiska watan ho aur chaman be-zaar ho jaye
Yehi hai zindagi to zindagi se khud-kushi achhi
Ke insaan alam-e-insaniyat par baar ho jaye
Ek aisi shaan paida kar ke baatil tharthara uthe
Nazar talwar ban jaye nafas jhankarr ho jaye
Yeh roz-o-shab yeh subh-o-sham yeh basti yeh veerana
Sabhi bedaar hain insaan agar bedaar ho jaye
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں