اب تو یہ بھی نہیں رہا احساس — جگر مراد آبادی
شاعر
اب تو یہ بھی نہیں رہا احساس
اب تو یہ بھی نہیں رہا احساس
درد ہوتا ہے یا نہیں ہوتا
عشق جب تک نہ کر چکے رسوا
آدمی کام کا نہیں ہوتا
ٹوٹ پڑتا ہے دفعتاً جو عشق
بیشتر دیر پا نہیں ہوتا
وہ بھی ہوتا ہے ایک وقت کہ جب
ماسوا ماسوا نہیں ہوتا
ہائے کیا ہو گیا طبیعت کو
غم بھی راحت فزا نہیں ہوتا
دل ہمارا ہے یا تمہارا ہے
ہم سے یہ فیصلہ نہیں ہوتا
جس پہ تیری نظر نہیں ہوتی
اس کی جانب خدا نہیں ہوتا
میں کہ بے زار عمر بھر کے لیے
دل کہ دم بھر جدا نہیں ہوتا
وہ ہمارے قریب ہوتے ہیں
جب ہمارا پتا نہیں ہوتا
دل کو کیا کیا سکون ہوتا ہے
جب کوئی آسرا نہیں ہوتا
ہو کے اک بار سامنا ان سے
پھر کبھی سامنا نہیں ہوتا
Ab to yeh bhi nahin raha ehsaas
Ab to yeh bhi nahin raha ehsaas
Dard hota hai ya nahin hota
Ishq jab tak na kar chuke ruswa
Aadmi kaam ka nahin hota
Toot padta hai dafatan jo ishq
Beshtar der pa nahin hota
Woh bhi hota hai ek waqt ke jab
Ma siwa ma siwa nahin hota
Haaye kya ho gaya tabiyat ko
Gham bhi rahat-faza nahin hota
Dil hamara hai ya tumhara hai
Ham se yeh faisla nahin hota
Jis pe teri nazar nahin hoti
Us ki jaanib Khuda nahin hota
Main ke bezaar umar bhar ke liye
Dil ke dam bhar juda nahin hota
Woh hamare qareeb hote hain
Jab hamara pata nahin hota
Dil ko kya kya sukoon hota hai
Jab koi aasra nahin hota
Ho ke ek baar saamna un se
Phir kabhi saamna nahin hota
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں