بے کیف دل ہے اور جیے جا رہا ہوں میں — جگر مراد آبادی
شاعر
بے کیف دل ہے اور جیے جا رہا ہوں میں
بے کیف دل ہے اور جیے جا رہا ہوں میں
خالی ہے شیشہ اور پیے جا رہا ہوں میں
پیہم جو آہ آہ کیے جا رہا ہوں میں
دولت ہے غم زکوٰۃ دئیے جا رہا ہوں میں
مجبوری کمال محبت تو دیکھنا
جینا نہیں قبول جیے جا رہا ہوں میں
وہ دل کہاں ہے اب کہ جسے پیار کیجیے
مجبوریاں ہیں ساتھ دئیے جا رہا ہوں میں
رخصت ہوئی شباب کے ہم راہ زندگی
کہنے کی بات ہے کہ جیے جا رہا ہوں میں
پہلے شراب زیست تھی اب زیست ہے شراب
کوئی پلا رہا ہے پیے جا رہا ہوں میں
Be-kaif dil hai aur jiye jā rahā huuñ maiñ
Be-kaif dil hai aur jiye jā rahā huuñ maiñ
Khālī hai shīsha aur piye jā rahā huuñ maiñ
Payham jo aah aah kiye jā rahā huuñ maiñ
Daulat hai gham zakāt diye jā rahā huuñ maiñ
Majbūrī-e-kamāl-e-mohabbat to dekhnā
Jiinā nahīñ qabūl jiye jā rahā huuñ maiñ
Vo dil kahāñ hai ab ki jise pyār kījiye
Majbūriyāñ haiñ saath diye jā rahā huuñ maiñ
Rukhsat huī shabāb ke hamrāh zindagī
Kahne kī baat hai ki jiye jā rahā huuñ maiñ
Pahle sharāb-e-zīst thī ab zīst hai sharāb
Koī pilā rahā hai piye jā rahā huuñ maiñ
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں