دل گیا رونق حیات گئی — جگر مراد آبادی
شاعر
دل گیا رونق حیات گئی
دل گیا رونق حیات گئی
غم گیا ساری کائنات گئی
دل دھڑکتے ہی پھر گئی وہ نظر
لب تک آئی نہ تھی کہ بات گئی
دن کا کیا ذکر تیرہ بختوں میں
ایک رات آئی ایک رات گئی
تیری باتوں سے آج تو واعظ
وہ جو تھی خواہش نجات گئی
ان کے بہلائے بھی نہ بہلا دل
رائیگاں سعئ التفات گئی
مرگ عاشق تو کچھ نہیں لیکن
اک مسیحا نفس کی بات گئی
اب جنوں آپ ہے گریباں گیر
اب وہ رسم تکلفات گئی
ہم نے بھی وضع غم بدل ڈالی
جب سے وہ طرز التفات گئی
ترک الفت بہت بجا ناصح
لیکن اس تک اگر یہ بات گئی
ہاں مزے لوٹ لے جوانی کے
پھر نہ آئے گی یہ جو رات گئی
ہاں یہ سرشاریاں جوانی کی
آنکھ جھپکی ہی تھی کہ رات گئی
جلوۂ ذات اے معاذ اللہ
تاب آئینۂ صفات گئی
نہیں ملتا مزاج دل ہم سے
غالباً دور تک یہ بات گئی
قید ہستی سے کب نجات جگرؔ
موت آئی اگر حیات گئی
Dil gayā raunaq-e-hayāt ga.ī
Dil gayā raunaq-e-hayāt ga.ī
Ġham gayā saarī kā.ināt ga.ī
Dil dhaḌakte hī phir ga.ī vo nazar
Lab tak aa.ī na thī ki baat ga.ī
Din kā kyā zikr tīra-baḳhtoñ meñ
Ek raat aa.ī ek raat ga.ī
Terī bātoñ se aaj to wā'iz
Vo jo thī ḳhwāhish-e-najāt ga.ī
Un ke bahlā.e bhī na bahlā dil
Rā.egāñ sa'ī-e-iltifāt ga.ī
Marg-e-āshiq to kuchh nahīñ lekin
Ik masīhā-nafas kī baat ga.ī
Ab junūñ aap hai garībāñ-gīr
Ab vo rasm-e-takallufāt ga.ī
Ham ne bhī vaz'-e-ġham badal Daalī
Jab se vo tarz-e-iltifāt ga.ī
Tark-e-ulfat bahut bajā nāseh
Lekin us tak agar ye baat ga.ī
Hāñ maze luuT le jawānī ke
Phir na aa.egī ye jo raat ga.ī
Hāñ ye sarshāriyāñ jawānī kī
Āñkh jhapkī hī thī ki raat ga.ī
Jalva-e-zāt ai ma'āz-ullāh
Tāb-e-ā.īna-e-sifāt ga.ī
Nahīñ miltā mizāj-e-dil ham se
Ghāliban duur tak ye baat ga.ī
Qaid-e-hastī se kab najāt jigar
Maut aa.ī agar hayāt ga.ī
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں